فەرماندەیی گشتی یەکینەکانی پاراستنی ژنان (یەپەژە) لە ڕاگەیەنراوێکدا یادی فەرماندەی یەکینەکانی بەرخۆدانی شەنگال (یەبەشە) و هاوڕێکانی کردەوە کە لە هیرشی 15ی کانونی یەکەمی دەوڵەتی تورکی فاشیستدا لە گوندی دوگرێی سەر بە شاروچکەی سنونێی شەنگال شەهید بوون.
ڕاگەیەنراوی فەرماندەیی گشتی یەپەژە بەم شێوەیەیە:
'ئەم هێرشە نیشانەی هاوکاری داعشە'
لە کەسایەتی فەرماندە و پێشەنگی کۆمەڵگای ئێزدی هەڤاڵ زەردەشت شەنگالی و سێ هەڤاڵی تر کە بەیەکەوە شەهید بوون، سەرەخۆشی لە خانەوادەی شەهیدان، گەلی کورد و هەموو کۆمەڵگای ئێزدی دەکەین.
دەولەتی تورکی داگیرکەر بێ ئەوەی جیاوازی لە نێوان پارچە، ئایین، حزب و لایەنەکان، ڕێکخستنەکانی گەلی کورد و تێکۆشانەکەی بکات، بۆ خۆی وەک مەترسیەک دەبینێت و بە ئامانجی لەناوبردن، هێرش ئەنجامدەدات. هێرشی سەر شەڕڤانانی یەبەشە پارچەیەک لەم سیاسەتەیە. دەولەتی تورک بەم هێرشانە جارێکیتر هاوکاری خۆی لەگەڵ داعش ئاشکرا کرد. لە هەموو دەرفەتێکدا هێرش دەکاتە سەر شەڕڤانی کۆمەڵگای ئێمەی ئێزدی.
'تۆڕەیی و تۆڵەسەندنەوەی زەردەشت شەنگالی لە داعش لە هەموو هەنگاوێکدا دیار بوو'
هەر کۆمەڵگایەک بە ڕەنج، تێکۆشان و فیداکاری بەهاکانی بەدەستهێناوە. کۆمەڵگای ئێمەی ئێزدیش بەها پیرۆزەکانی کە ڕۆلەکانین پێگەیاند. ڕۆڵەکانی خۆیان کرد بە پێشەنگی ڕۆژە سەختەکان. لە ساڵی 2014 دا جیهان هەموو شایەدی هێرشی دڕندانەی چەتەکانی داعش بوو لەبەرامبەر کۆمەڵگای ئێمەی ئێزدی. لەبەرامبەر ئەم دڕندەییەی چەتەکان بە دەیان کچ و کوڕی ئێزدی لەژێر فەرماندەیی قاڕەمانی گەورە (زەردەشت) بڕیاری پاراستنی کۆمەڵگای خۆیان و وڵاتەکەیاندا و لەبەرانبەر هێرشی دڕندەی چەتەکانی داعش بەرخۆدانێکی بێوێنەیان پیشاندا. هاوڕێ زەردەشت ڕەنجێکی زۆری بۆ کۆمەڵگای ئێزدی کێشا. تۆڕەیی و هەستی تۆڵەسەندنەوەی لە هەموو جێگەیەک کە بەشداری لە هەڵمەتەکاندا دەکرد دیاربوو. لە ژمارەیەکی زۆر هەنگاوی مێژوووییدا جێی خۆی گرت. بە بڕوای تێکشکاندنی چەتەکانی داعش و ڕزگاری کۆمەڵگای ئێزدی تێکۆشانی کرد. لەسەر بناغەی تۆڵەسەندنەوەی کچ و ژنانی ئیزدی لە چەتەکانی داعش ئەرکی پێشەنگایەتی هەڵگرت. دەوڵەتی تورک بە ئەنقەست، پێشەنگ و فەرماندار زەردەشتی کردە ئامانج و هێرشی قێزەونی بەرامبەر ئەنجامدا.
بانگەوازی
ئێمە بانگەوازیمان بۆ ڕێکخراوەکانی مافەکانی مرۆڤ ئەوەیە لە بەرانبەر هێرشەکانی دەوڵەتی تورک بۆ سەر کۆمەڵگای ئێزدی هەڵوێست وەربگرن. هەروەها پێویستە دەوڵەتی عێراق بێدەنگی خۆی بشکێنێت و هەڵوێستی هەبێت.
ئێمە وەک یەکینەکانی پاراستنی ژنان (یەپەژە) ڕەنج و فیداکاری هاوڕی زەردەشت و سێ هاوڕێکەی تر لە هەموو ساتێکدا بە تێکۆشانەکەمان زیندوو دەهێڵینەوە. ئێمە جارێکیتر ئێش و خەمگینی خۆمان بۆ کۆمەڵگای ئێزدی دەردەبڕین و دەڵیێن، هاوڕی زەردەشت و هەڤاڵەکانی تر کە بەیەکەوە شەهید بوون سمبوڵی هیوا و سەرکەوتنن.
لەسەر ئەم بناغەیە جارێکیتر لە کەسایەتی هەر چوار شەڕڤانی تێکۆشانوان، بەرێزەوە یادی هەموو شەهیدانی شۆڕشی کوردستان دەکەینەوە و بەڵێنمان لەگەڵیان دووپاتدەکەینەوە. ئێمە سەرەخۆشی خۆمان ئاڕاستەی خانەوادە، کۆمەڵگای ئێزدی دەکەین. بە ڕۆڵە قاڕەمان و بوێرەکانتان سەرفراز بن و شانازی بکەن.[1]
#18-01-2020#