بەپێی کۆمپانیایەکی تایبەت بە کەرتی خانووبەرە لە هەرێم فرۆشی خانوو و شوقە لە ساڵی 2019دا بەراورد بە ساڵی پێشتر بە ڕێژەی زیاتر لە 16% و 18% زیادیکردووە.
کۆمپانیای عەقاراتی حاجی سەلام (ئەمڕۆ چوارشەممە 15ی کانونی دووەمی 2020) ڕاپۆرتی جوڵەی کەرتی خانووبەرەی بڵاوکردەوە و تیایدا هاتووە: لەساڵی 2019دا نرخی کرێی خانوو لە 13.82% و شوقەش لە 14.515% بەرزبووەتەوە.
هەر لەو ڕاپۆرتەکەدا هاتووە: فرۆشی خانوو بەڕێژەی لە 16.28% و فرۆشی شوقەش بەڕێژەی لە 18.38% زیادیکردووە.
سەبارەت بە زەوی نیشتەجێبوون و بازرگانی و کشتوکاڵیش ڕونکراوەتەوە: لەساڵی 2019 بەراورد بە ساڵی 2018 فرۆشی زەوی نیشتەجێبوون بەڕێژەی 29.15% و زەوی بازرگان لە 4.25% و زەوی کشتوکاڵیش لەسەدا 76.05% زیادیکردووە.
لە ڕاپۆرتەکە هۆکاری بەرزبوونەوەی نرخەکان بۆ ئاسایی بوونەوەی دۆخی ئابووری هەرێمی کوردستان گەڕێندراوەتەوە.
عەقاراتی حاجی سەلام کۆمپانیایەکی تایبەتمەندە لە بواری نێوەندی خانووبەرە (وسیط العقاري) و بنکە سەرەکییەکەی لە #هەولێر#ە.[1]
#15-01-2020#