لە 267 ڕوفاتی ئەندامانی #پەکەکە# کە لە ساڵی 2017 لە گۆڕستانی خەرزانی بەدلیس دەرهێنران و لە لایەن پزیشکی دادوەری ئەستەنبوڵ پشکنینی (دی ئێن ئێن)یان بۆکرا، پێرێ ڕوفاتی 10 کەسیان لە گۆڕستانی بێکەسان لە کیلیۆس دەرهێنران و ڕادەستی خانەوادەکانیان کران. لەو 10 کەسە ڕوفاتی نەدیرە ئەلما لە نسێبین و ڕوفاتی موزەیەن گۆردەگیریش لە ئێلح بەخاکسپێردران.
ڕوفاتی 8 کەسی تر لە گوندەکانی بەدلیس بەخاکسپێردران.
لە ئەستەنبوڵەوە تا بەدلیس لەکاتی هێنانی ڕوفاتەکان، ئاستەنگی دروستکرد. لە #ئامەد# و بەدلیس 3 جار ناسنامەکان کۆنتڕۆل کران. دوای کۆنتڕۆلکردنەکە، خانەوادەکان ڕوفاتی منداڵەکانیان لەژێر گەماڕۆی پۆلیس و سەربازان بەخاکسپارد. کاتی شاردنەوەی ڕوفاتەکان تەنها ڕێگە بە 3 کەسی خانەوادەکە درا بەشداری بکەن. هەروەها ڕێگە نەدرا ڕوفاتەکان لە گۆڕستانەکاندا لای یەکتری بنێژرێن. بەو هۆیەوە هەر ڕوفاتێک 20 مەتر دوور لەیەکتری نێژران.
بە پێی زانیاریەکان، ڕوفاتی فەیسەل بینگۆل (هەرەکۆڵ) و نەجلا کارابای (زەکیە) لە گوندی کولودەرەی هیزان، ڕوفاتی بەهزاد یڵدرم (کانی گارزان) و ئەحمەد دۆنار (ئەدیب) لە گوندی کایادیلەری هیزان، ڕوفاتی بورهان ئالتینتاش (نومان تاتڤان) لە گوندی پیەندەسی تەتوان، ڕوفاتی فەرهاد جان (فەرهاد گارزان) لە گوندی دلبورنوی ئەخلات، ڕوفاتی محەمەد ڕەشید کاراکۆچ (گابار) و فەرهاد جان (فەرهاد گارزان) لە گوندی کوچوکسوی تاتوان بەخاکسپێردران.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,566 mal angesehen