بەگوێرەی ڕاپۆرتێکی ناوەندێکی مافەکانی مرۆڤ لە سوریا، لە ماوەی کەمتر لە دوو ساڵی ڕابردوودا بەهۆی هێرشە داگیرکارییەکانی تورکیا بۆ سەر ڕۆژئاوای کوردستان 161 منداڵ شەهید بوون و نزیکەی 200ی دیکەش برینداربوون.
ناوەندی بە بەڵگەکردنی پێشلکاریی مافەکانی مرۆڤ لە سوریا ڕاپۆرتێکی لەبارەی پێشکێلکارییەکانی وڵاتی تورکیا لە ڕۆژئاوای کوردستان بڵاوکردووەتەوە و باسی لە خراپی دۆخی منداڵان کردووە، بەتایبەت مەترسییەکانی سەر ژیانیان کە سەدان منداڵ بوونەتە قوربانی.
بەگوێرەی ڕاپۆرتەکە، لە بەرواری #20-12-2018# لەکاتی هێرشەکانی تورکیا بۆسەر #عەفرین#، تا ئێستا، بەهۆی هێرشە بەردەوامەکانی ئەو وڵاتە بۆ سەر ڕۆژئاوای کوردستان، 161 منداڵ شەهید بوون و 195ی دیکەش برینداربوون.[1]
ڕاپۆرتەکەی ئەو ناوەندە لەکاتێکدایە، لە چەند ڕۆژی ڕابردوودا، لە هێرشێکی تورکیا بۆ سەر سەنتەرێکی گەشەپێدانی منداڵان لە تەلڕەفعەت هەشت منداڵ شەهید بوون و 10ی دیکەش برینداربوون.
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 2,319