لەمەودوا هەموو پارێزگان پشکی خۆیان بە دادپەروەرانە وەردەگرن کە بەو شێوەیە دابەشکراوە:
#دهۆک# 24 %
#سلێمانی# 36%
#هەولێر# 40%
$وەزیری کارەبا بە پەرلەمانتارانی ڕاگەیاندووە:$ هەتا ڕۆژی 15-11-2019, ڕۆژانە بە تێکڕایی 21 کاژێر کارەبا بە هاووڵاتیان دراوە، بەڵام بەهۆی هەندێ کێشەی تەکنیکی لە وێستگەی ئەحمەد-ئیسماعیل لە هەولێر، خورماڵە و بڕینی غازی داناغاز لە قادر کەرەم بووە هۆی سەرهەڵدانی کێشەی کارەبا و کاتژمێرەکانی کارەبا کەمبوونەوە، ئێستا بەهۆی زیادبوونی خواست لەسەر کارەبا بە تێکڕا ڕۆژانە 9 تاوەکو 11 کاتژمێر کارەبای نیشتمانی دەدرێتە هاووڵاتیان.
بەوتەی وەزیری کارەبا، هەرێمی کوردستان توانای بەرهەمهێنانی شەش هەزار و 733 مێگاوات کارەبای هەیە، بەڵام تەنیا دەتوانین سێ هەزار 100 مێگاوات کارەبا بەرهەم بێنن، لەکاتێکدا تەنیا لەو چەند ڕۆژە خواست لەسەر کارەبا بۆ هەزار و 450 مێگاوتای دیکە زیادبوو پێشینی دەکەن هێشتا خواست لەسەر کارەبای نیشتمانی زیادببێت، ئەمەش وادەکات کە کاتژمێرەکانی کارەبای نیشتمانی بۆ هاووڵاتیان کەمتر ببێت.
زیادبوونی کارەبا کێشەکە چارەسەر ناکات
$وەزیری کارەبای هەرێم ڕاشیگەیاندووە:$ بەهۆی وێستگەی نوێی هەڵمی کارەبای خەبات و زیادبوونی 50 هەزار پێی سێ جای غاز لە خۆرمەلە هەتاوەکو 400 مێگاواتی دیکە لە مانگی داهاتووە زیادببێت، بەڵام ئەمە ناتوانێ کێشەی کارەبا لە وەرزی زستان چارەسەر بکرێت چونکە بەهۆی دابیننەکردنی سوتەمەنییەوە هاووڵاتیان ئامێرەکانی گەرمکەرەوە زۆر بەکاردەهێنن.
وەزیری کارەبا داوا لە ئەنجومەنی وەزیران دەکات، فرۆشتنی ئامێرەکانی گەرمکەرەوە لە بازاڕ قەدەغە بکرێت و لەرامبەردا نەوتی سپی بۆ هاووڵاتیان دابینبکرێت.
وەزیری کارەبا پێیڕاگەیاندوون کە 28%ی کارەبای هەرێم بزردەبێت، ئەمیش بە دوو شێوە:
=KTML_Bold=یەکەم:=KTML_End= 12% بۆ 13% بەهۆی کێشەی تەکنیکی لە ڕێگاوە بزر دەبن و ئەمە لە هەموو دنیا هەیە بۆ نموونە لە وڵاتی کۆریای باشوورە ڕێژەی بزربوونی کارەبا 6.5%یە.
=KTML_Bold=دووەم:=KTML_End= 15%ی کارەبا لەلایەن هاووڵاتیان و بەتایبەتی لەلایەن (مەزرەعەکانەوە) دەدزرێت.
هەزار پێوەری زیرەک بەستراوه و تڕلیۆنێک و 107 ملیار دیناری قەرزی کارەبا نادرێتەوە
$وەزیری کارەبا ئاشکرایدەکات کە تائێستا 70 هەزار سەعاتی پێوەری زیرەک (سمارت میتەر) لە هەرێمی کوردستان بەستراوە، $ کە 43 هەزاریان لە هەولێر، 12 هەزار لە سلێمانی و 9 هەزاریشیان لە دهۆک بووە بەستنی سەعاتەکە بۆ ماڵان بێ بەرامبەرە و کەس ناتوانێت دەستکاری لەو سەعاتانە بکات و لەهەر 15 خولەک جارێک لەلایەن فەرمانگەی کۆنتڕۆلی کارەبا، کارەبای هەموو هاوبەشێک تۆمار دەکرێت.
وەزیری کارەبا بە پەرلەمانتارانی وتووە: لە هەرێمی کوردستان ملیۆن و 500 هەزار هاوبەشی کارەبا هەن، کە تائێستا ترلیۆنێک و 107 ملیار دینار پارەی کارەبا لای هاووڵاتیان و کارگەکانە کە ئامادە نین بیدەن بە حکومەت، له و ڕێژەیە 788 ملیار دینار لای هاووڵاتیانە کە دەکاتە مووچەی مانگێکی مووچەخۆرانی هەرێم.
بەهۆی کەمبوونەوەی کارەبا، وەزارەتی کارەبا چەند ڕۆژێکەی هەڵمەتێکی فراوانی بۆ بڕینی سەرپێچییەکان دەستپێکردووە.
هاوکات دووشەممە 02-12-2019 بەڕێوەبەرایەتی کارەبای هەولێر لە ڕاگەیاندراوێکدا، مۆڵەتی مانگێکی بە هاووڵاتیان دەدات بۆ بڕینی سەرپێچییەکان و پێدانی پارەی کارەبا بە پێچەوانەوە سزای توند دەدرێن.
هاوکات کارەبای هەولێر، هاوبەشەکانی (کشتوکاڵی، بازرگانی و پیشەسازی) ئاگاداردەکاتەوە کە بە زووترین کات قەرزەکانیان بدەن، بەپێچەوانەوە کارەبایان دەبڕدرێت.[1]