باکووری کوردستان
- بەفرێکی زۆر لە وانوان و جۆلەمێرگجۆلەمێرگ باری و کاریگەریەکی خرابی لەسەر هاوڵاتیان دروست کرد. بە هۆی بارینی بەفرێکی زۆر ریگای 85 گوندی ناوچەی مکس، 55 گوندی ناوچەی ئەلباک، 125 گوندی شاخێ، 5 گوندی وەستان، 145 گوندی پاییزاڤا، 15 گوندی قەلقەلی، 25 گوندی سارای، 35 گوندی ناوچەکانی ئارتەمێنتم ئەبەخ، بێگر و ئەردیش و بە گشتی ریگای 490 گوند داخران. لە وان نزیکەی 50 سانتیمەتر بەفر باریوە. لە هەندێک ناچەی جۆلەمێرگیش مەتر و نیوێک بەفر باریوە.[1]
- هەردوو رێکخراوی مافی مرۆڤ، کۆمەڵەی مافەکانی مرۆڤ (ئیهادە - ÎHD) و وەقفی مافی مرۆڤی تورکیا (تیهەڤ - TIHV) لەبارەی ئەو ئەشکەنجەیەی کە بەرامبەر 8 هاوڵاتی گوندنشین لە مێردین کرابوو رایانگەیاند، لە بنکەی جەندرمەی مێردین ئەشکەنجە و سوکایەتی بە گوندنشینان کراوە.[1]
رۆژهەڵاتی کوردستان
- رۆژنامەی هەمشەهریی ئێران لە راپۆرتێکدا کە بەشێوەی مەیدانی ئامادەکراوە، ئاماژە بەوە دەکات کە لە پارێزگاکانی سنەسنە، ورمێورمێ و کرماشانکرماشان ژمارەی ئەو ژن و مێرمنداڵانەی کۆڵبەرکۆڵبەری دەکەن، بەرێژەیەکی بەرچاو زیادیکردووە.[3]
- هێزە ئەمنییەکان هەڵیانکوتاوەتە سەر ماڵی “فەردین مورادی”، چالاکوانی مەدەنی کوردی خەڵکی سنە و بۆ شوێنێکی نادیار گواستراوەتەوە.[1]
باشووری کوردستان
- بەشی راگەیاندن و پەیوەندییەکانی وەزارەتی داراییوەزارەتی دارایی و ئابووری بڵاویکردەوە، لە دوو رۆژی رابردوودا وەزارەتی دارایی و ئابووریی حکومەتی هەرێمی کوردستان، گرێبەستی سەرجەم فەرمانبەرانی گرێبەستی بۆ ساڵی 2020 نوێکردووەتەوە.[3]
- شەپۆلێکی بەفرین بارین ناوچەی شارباژێڕشارباژێڕ بە تایبەتی سنووری چوارتاچوارتای لە دەڤەری پارێزگای سلێمانیسلێمانی گرتۆتەوە.[4]
- لەلایەن رێکخراوی شەماڵی کوردستان بۆ پاراستنی ژینگە لەژێر دروشمی (باڵندەکان هاوسەنگی ژینگە رادەگرن) هەڵمەتی پێدانی دانەوێڵه و خۆراک بۆ باڵندەکان لە چیای ئەزمەڕ لە سلێمانی بەڕێوەچوو.[4]
- بەڕێوەبەری ئاسایشی ئیبراهیم خەلیلئیبراهیم خەلیل رایگەیاند: باندێکی ماددەی هۆشبەر بە 30 کیلۆ هیرۆینەوە لەلایەن ئاسایشی دەروازەکەوە دەستگیرکرا و لەم هەفتەیەشدا ئەمە دووەم باندە دەستگیربکرێن.[2]
رۆژئاوای کوردستان
- هاوڵاتییان عەفرینعەفرین کە بە هۆی هێرشە داگیرکەرییەکانی دەوڵەتی تورک و چەتەکانییەوە، بە ناچاری ئاوارەی شێراوا و شەهبا بوون، داگیرکەریی دەوڵەتی تورکیان بۆ سەر باکور و رۆژهەڵاتی سوریا، بە تایبەت بۆ سەر عەفرینیان بە رێپێوانێک رسواو شەرمەزار کرد.[1]
- سوپای داگیرکەری تورک و چەتەکانی، گوندەکانی خربەت بەگەر و ئەریدای سەر بە گرێ سپیگرێ سپی تۆپباران دەکەن، لە شارۆچکەی سلوکیش، ناڕەزایی دژی داگیرکەران بەردەوامە.[5]
- لە نزیک گوندی ئەلمالیکییە لە حەسەکەحەسەکە، هێزەکانی ئەمەریکا رێیان لە کاروانێکی هێزەکانی رووسیا کە بە نیاز بوون بچنە خاڵی سنووری سێمێلکا لە سنووری نێوان باشوور و رۆژئاوای کوردستان. دوای ئەوە کاروانە رووسییەکە چوونەوە بنکەی ئاسمانیی قامشلی.[6]
دەرەوەی کوردستان
- میلیشیاکانی حیزبوڵای عێراقی لەڕێگەی یەکێک لەپەیجەکانیەوە لەتویتەر هەڕەشە لە بەرهەم ساڵحبەرهەم ساڵح سەرۆک کۆماری عێراق دەکات گەر لەکۆربەندی ئابووری داڤۆس لە سویسرا چاوی بە دۆناڵد ترامپ سەرۆکی ئەمریکا بکەوێت لەشاری بەغدا دەری دەکەن.[2]
- لە پەراوێزی بەڕێوەچوونی کۆڕبەندی ئابووری داڤۆسی سویسرا، هەریەک لە نێچیرڤان بارزانینێچیرڤان بارزانی سەرۆکی هەرێمی کوردستان و دۆناڵد ترامپ سەرۆکی ئەمریکا کۆبوونەوە. پرسی پەیوەندیدار بەناوچەکە و دۆخی عێراق و ئاڵۆزییەکانی نەبوونی سەرۆک وەزیران و پرسی کشانەوەی هێزەکانی ئەمریکا لەعێراق و دۆخی ئێران و سوریا بەشێک بوون لەو تەوەرانەی هەردوولا پێکەوە باسیان کردووە. میدیای ئەمریکی روومالی فراوانی کۆبوونەوەکەی کردووە و برەویان پێداوە، هاوکات بەپێی چەند زانیارییەکی پشتڕاست نەکراوە، ئەمریکا بەلایەوە گرنگ بووە هەڵوێستی هەرێمی کوردستان بزانێت لەسەر پرسی کشانەوەی هێزەکانی ئەمریکا لەعێراق.[2]
- ئەمینداری گشتیی عەسائیبی ئەهلی حەق بانگهێشتی جەماوەریی دەکات بۆ خۆپیشاندانێکی سەرتاسەری لە عێراق لە دژی ئەمریکا و بە شۆڕش ناوی دەبات. [3]
- برێت مەکگۆرگ نوێنەری تایبەتی پێشووی سەرۆکی ئەمەریکا لە شەڕی دژی داعشداعش لە تویتێکدا رەخنەی لە ترامپ گرتووە و نووسیویەتی: جێگەی داخە کە ترامپ لە پەراوێزی داڤۆس چاوی بە بەرهەم ساڵح و بەڕێوبەری کورستانی عێراق کەوت و ئەوەی هێنایە زمان کە ئێمە نەوتمان بەدەستهێنا. مەکگۆرگ هەروەها رەخنەیەکی دیکەشی لە ترامپ کردووە لەسەر ئەو قسانەی لەگەڵ نێچیرڤان بارزانی کردوویەتی، کە پەیوەندیی بە باشوری کوردستانەوە نەبووە و نووسیویەتی: وادیارە جیاوازیی نێوان باکوری سوریا و کوردستانی عێراق نازانێت.[1]

#وان | #جۆلەمێرگ | #سنە | #ورمێ | #کرماشان | #کۆڵبەر | #وەزارەتی دارایی | #شارباژێڕ | #چوارتا | #سلێمانی | #ئیبراهیم خەلیل | #عەفرین | #گرێ سپی | #حەسەکە | #بەرهەم ساڵح | #نێچیرڤان بارزانی | #داعش |