باکووری کوردستان
- تۆڕی زمان و کلتور، لە هوتێل دەمیر لە شاری ئامەدئامەد، یەکەمین کۆنفرانسی دەستپێکرد و وابڕیارە دوو ڕۆژ بخایەنێت. لە کۆنفرانسەکەدا نزیکەی 200 کەس لە نوسەر، ئەکادیمیسیەن، خوێندکار، ڕاگەیەندکار، دەزگاکانی ژنان و ڕێکخراوەکانی کلتوری و هونەری بەشداربوون.[2]
باشووری کوردستان
- لە بەردەوامی سیمینار و چالاکیەکان بۆ بەرز ڕاگرتنی ڕوحی شەهید ساکینە جانسزساکینە جانسز و هەڤاڵانی، لە شاری کەرکوککەرکوک یادی ئەو سێ ژنە شەهیدە بەرزڕاگیرا.[2]
- سەرۆکی لیژنەی دەستپاکی پەرلەمانی کوردستان ڕایدەگەیەنێت: دوای بەدواداچوونەکانی لیژنەی دەستپاکی پەرلەمانی کوردستان بۆ وەرگرتنی پارە بە نایاسایی، سەرپەرشتیاری ئیدارەی گەرمیانگەرمیان بڕیاریدا بە ڕاگرتنی کۆمپانیای گەرمیان پیترۆلیۆم.[3]
- لەلایەن پۆلیسی ئیتیحادیيەوە گەورەترین کۆگای بۆمب و تەقەمەنی لەباشوری کەرکوک دۆزرایەوە.[3]
- لەسەر ڕێگای سەرەکی هەولێرهەولێر- کۆیەکۆیە و لە ڕووداوێکی هاتووچۆ 2 کەس گیانیانلەدەستدا کە یەکێکیان قەشە دنحا توما یوسف، قەشەی کۆیە و هەرمۆتەهەرمۆتەیە.[4]
رۆژئاوای کوردستان
- سوپای تورکیا و هاوپەیمانەکانی بەچڕی دێیەکانی سوغاتکە لە شارەدێی شیراوا، هەروەها دێیەکانی ماکلیە و شوارغە و مرعناز لە شارەدێی شرا بۆردومان دەکەن. بەهۆی تۆپبارانەکەوە ژنێک بەناوی (زەینەب مەحمود) تەمەن 56 ساڵان، لەکاتێکدا سەرگەرمی ڕزگارکردنی منداڵەکانی بووە کە سەرجەمیان خاوەن پێداویستی تایبەتن، لەدێی باشمرا لەناحیەی شیراوا بەسەختی بریندار بوو.[6]
دەرەوەی کوردستان
- ڕژێمی ئێران، دانی نا بەوەی کە فڕۆکە ئۆکرایینییەکەی بە موشەک خستووەتەخوارەوە، لەو فڕۆکەیەدا 176 کەس گیانیان لەدەستدا کە 12یان کوردی ڕۆژهەڵاتن.[1]
- کوردان و دۆستانیان لە پاریس، لە ساڵڕۆژی کۆمەڵکوژکردنی هەرسێ ژنە شۆڕشگێڕی کورد ساکینە جانسز، لەیلا شایلەمەزلەیلا شایلەمەز و فیدان دۆغانفیدان دۆغان، خۆپیشاندانێکی فراوان بەڕێوەچوو، تێیدا داوای دەستنیشانکردن و بە سزاگەیاندنی بکەرانی ئەو کۆمەڵکوژییەیان کرد.[2]
- زۆربەری کۆمپانیا فڕۆکەوانییەکانی جیهان، لە دوای بڵاو بوونەوەی دانپێدانانی حکومەتی ئێران بە کەوتنەخواوەی فڕۆکە ئۆکراینییەکە، بۆ ماوەی 10 ڕۆژ هاتووچۆی فڕۆکەکانیان لەسەر ئاسمانی ئێران ڕاگرت.[5]
- دژی خستنەخوارەوەی فڕۆکە ئۆکرانیەکە لەلایەن ئێرانەوە، بەدروشمی (مردن بۆ درۆزن) خۆپیشاندان لە شاری تاران دەستیپێکرد.[7]