$خەليفە مەنسور عەباسی$ ئەی شارە بنيات نا و کردەی ناوەند دسەڵات حکوومەت عەباسيەيل. کوردەيليش وەل مەنسور لە دامەزانن و سازين بەغدا هاوکاری کردنە.
کوردەيل لە ناوچەی(ئەزەج) بەغدا نيشەجی بوينە و ئيجار ناو ئەی ناوچە ئەڵگەردياس و کرياسە باب شێخ. ئەی ناوچە تا ئيسەيش يەکێگ لە پڕ هاتووچووترين ناوچەيل بەغداس.
لە موودەی ناو باب شێخێش ئەڵگەردێده و ئەرا مەزار(شێخ عەبدولقادر گەيلانی) ک ها ناو ئی ناوچە. بڕێگ له و کەسەيل بەرجەسه و ناودارە ک لەلای ئی شێخه دەرس خوەنستنە، کوردەيل ناوچەی ئەزەج(باب شێخ) بوينە جوور: جاگير کوردی، شێخ ماجد کوردی و...هتد. ئەی خوەندکارەيلە لەشوون مردن شێخ گەيلانی، بڕەوێ دەنە تەريقەت و شێوەی عرفانی ئەی شێخە لە ناوچەيل جياجيای کوردستان و بڵاويه و کەن و هويردە هويردە ئەی شێوەی عرفانيە وە تەرقيەت قادری ناو دەر ئەکا.
لەی بارەو، فرە ئەڵاجەوی نيە ک لە بڕێگ لە شارەيل يا ئاواييەيل کوردستان کەسانێگ دوينيەێد ک هێمان لە پەيڕەويل شيوەی عرفانی شێخ گەيلانين.
موقەدەسی بەشاری يەکيگ لە مێژوونويسەيل ناودار عەراقيە ک لە کتاو(احسن تقاسيم) لە باوەت هاوکاری کوردەيل وەل خەليفە مەنسور دەوانيقی ئەرا سازين بەغدا، چنە نويساس: بڕێگ لە نيشتەجييەيل سەرزەمين کويەيل(سەرزەمين کوردەيل) وەل خەليفە مەنسور دەوانيقيا لە دامەزرانن و سازين بەغدا هاوکاری داشتنە.
لە سەدەی نووزدەهم زاينی، کوردەيل بەغدا ناوچەی باب شێخ جوور سەنتەر نيشتەجیبوين خوەيان هەڵوژنن. ئەوان لە بەشێگ لەی ناوچە گرده و بوون و ئەی جيە ئويشنە پێ(عگدالاکراد).
وەرجلە ئەوەگ کوردەيل بەغدا لە سەرەتای سەدەی هەڤدەهم لە ناوچەيل ترەک بەغدا ک وە تەپەی(غراقوڵ) ناسيا نيشتەجی بوون، ناوی وە تەپەی کوردەيل هەڵەوگەرديا.
عەبدولسەتار غراقولی يەکێگ لە ناودارترين نيشتەجيەيل ئەی ناوچە(سەيد مەحمەد ئەمين باش ئيمام) وە مە مەر سەرەکی جيوە جی کردن و بردن کوردەيل وە ناوچەی(تەپەی غراقولی) ناو ئەواد.
محەمەد ئەمين باش ئيمام لە سەرەتای سەدەی هەڤدەهم زاينی، چواردە ماڵ گەورا لە ئەی ناوچە سەنيە و ئه و ماڵەيل گەورا وە کوردەيل کووچبەر لە ناوچەيل کوردستان ئەرا بەغدا داسە کرا. وەل ئەی جوورە کاريگا، دويەمين ناوچەی کوردەيل لە دويای باب شێخ وەدی ئەيەێد.
لە ناونی باب شێخ و تەپەی کوردەيل، شەقامێگ هەس ک وە شەقام جەلالی ناو دەر کرديە و مەمەر ئەی ناويشە ئەڵگرديەێده و ئەرا خێڵ جەلايەيل ک يەکێگ لە کوينەترين خێڵەيل کوردە، وەلی مێژوو نيشتەجیبوينێان لەبەغدا ديار نيە و نەنويسياس.
لە سەرەتای سەدەی نوزدەهم زاينی، گەورايل باب شێخ ک خوەيان لە دويامەنەيل شێخ بوينە وە هاوکاری کوردەيل نيشتەجی لە ناوچەی باب شێخ، حاکمەيل و دەسڵاتدارەيل بەغدا ناچار کەن تا وە کاروبار ئەی ناوچە کار نەياشتوون.[1]