دەقی داواکارییەکان
1/ دوایی هێرشە ناڕەواو داگیرکارییەکانی دەوڵەتی تورکیا بۆ سەر ڕۆژئاوای کوردستان و کوشتن و قەتل و عام کردنی خوشک و برایانمان لە ڕۆژئاوا بایکۆت کردنی تەواوی کاڵا و بابەت و دراما تورکیەکان بوە بە داواکارییەکی گشتگیری هاوڵاتیان لە هەرێمی کوردستان
2/ دراما تورکیەکان بە شێوەیەکی زۆر ناشرین و دوور لە ڕاستی وێنەی کورد و ژیانی هاوڵاتی کورد لە باکور و تەواوی پارچەکانی کوردستان پیشانی بینەر دەدا.
3/ لای هەمووان ڕوون و ئاشکرایە کە لە ماوەی چەند ساڵی ڕابردوو تاوەکو ئەمساڵیش ڕێژەی کێشە خێزانیەکان و جیابونەوەو لێکترازانی خێزانی زۆر زیاد بوەو وا خەریکە شیرازەی خێزانی کوردی بەرەو ئاقارێکی زۆر خراپ و نادیار ببا و دراما تورکیەکانیش بەشێکی گەورەیان بەردەکەوێ لە هەبوونی کێشە خێزانیەکان و زیاد بوونی ڕێژەی جیابونەوە (تلاق) لە هەرێمی کوردستاندا، بۆیە داوا دەکەین بڕیار بدەن بە ناوەڕۆکی یاداشتەکەمان چونکە هاوڵاتیان وەک لایەن و مینبەرێکی بەرگری لە ماف و داخوازییە ڕەواکانیان سەیری سەرۆکایەتی داواکاری گشتی لە هەرێمی کوردستان دەکەن.[1]
#28-11-2019#