بەڕێوەبەرایەتی گشتی گومرگەکانی ئێران ڕایگەیاند، قەبارەی پرۆسەکانی ترانزێتی کاڵای نانەوتی لە ڕێگەی دەروازەی سنووری باشماخ لەنێوان هەرێمی کوردستان و ئێران لە مانگی ئادارەوە تا ئێستا گەیشتووەتە 567 هەزار تۆن.
جەختیشیکردەوە، بەهای ترانزێتی کاڵاکان گەیشتووەتە 2 ملیار و 112 ملیۆن دۆلار و بەو جۆرەش لە کۆی 59 گومرگ لە ئێران، باشماخ لە پلەی دووەمدا دێت لە ڕووی ترانزێتەوە.
هەروەها جەختی لە قەبارەی بازرگانی دەرەکی لەگەڵ هەرێمی کوردستان کردەوە کە لە ماوەی 7 مانگی ئەمساڵدا 3 ملیار و 184 ملیۆن دۆلاری تۆمارکردووە.[1]