ڕۆژی سێ شەممە #26-11-2019# شەشەمین دانیشتنی تایبەت بە دادگایکردنی کۆمپانیاکانی فرۆشتنی چەکی کیمیایی لە دادگای #هەڵەبجە# بەڕێوەچوو، کە تیمێکی پارێزەرانی نێودەوڵەتی ئاماژەی دادگایکردنەکەبوون و بۆیەکەمجاریش پارێزەری یەکێک لە تۆمەتبارەکان ئامادەی دادگاییکردنە کەبوو.
=KTML_Bold=لوقمان عەبدولقادر=KTML_End=، سەرۆکی کۆمەڵەی قوربانیانی کیمیابارانی هەڵەبجە ڕاگەیاند: ئەمڕۆ شەشەمین پرۆسەی دادگاییکردنی ئەو کۆمپانیا و کەسایەتییانەی کە هاوکاری ڕژێمی بەعسیان کردووە لە بەدەستخستنی چەکی کیمیایی لە دادگای هەڵەبجە بەڕێوەچوو کەمێک پێش ئێستا دادگاییکردنەکە کۆتایی هات و بەهۆی زۆری سکاڵاکانەوە دادوەر بڕیاریدا دانیشتنەکە بۆ سبەی چوار شەممە دوابخات.
ئاماژەی بەوەشکرد: تا ئێستا پێنج هەزار و 500 سکاڵا لەلایەن کەسوکاری شەهیدانی کیمیابارانی هەڵەبجەوە تۆمارکراون، هاوکات لە لایەن تیمێکی پارێزەرانی نێودەوڵەتیش بەرگری لە کەسوکاری شەهیدان دەکەن و بە سەدان بەڵگەی پێویستیان لەبەردەستە کە ئەو کۆمپانیاو کەسایەتیانەی سکاڵایان لەسەر تۆمارکراوە هاوکاری ڕژێمی بەعسیان کردووە لە کڕین و دەستخستنی چەکی کیمیایی قەدەغەکراو.
سەرۆکی کۆمەڵەی قوربانیانی کیمبابارانی هەڵەبجە ئەوەشی خستەڕوو، لە دادگاییەکەی ئەمڕۆدا پارێزەری (ساڵح مەجید) یەکێک لە تۆمەتبارەکانی هاوکار لە ڕژێمی بەعس ئامادەی پرۆسەی دادگایکردنەکە بوو، هاوکات دادوەر ئەمڕۆ هیچ بڕیارێکی نەدا بەڵکوو دانیشتنەکەی بۆ سبەی چوار شەممە دواخست.[1]