=KTML_Bold=تارا محەمەد ئەمین=KTML_End= لە ڕێکەوتی 04-05-1967 لە شاری #سلێمانی# لەدایکبووە، هەر لەوێ خوێندنی سەرەتایی و ناوەندی تەواو کردووە پاشان بە هۆی خولیای زۆری بۆ هونەری شێوەکاری و بۆ زیاتر برەو پێدانی لەو بوارەدا خوێندنی پەیمانگای هونەرە جوانەکانی سلێمانی بەشی شێوەکاری تەواو کرد لە ساڵی 1987.
دواتر وەک مامۆستای هونەری شێوەکاری کاری کردووە، لەساڵی 1991 هاوسەرگیری کردووە خاوەنی دوو مناڵە و لە ووڵاتی نەرویژ ئەژی.
هەروەها لەووڵاتی نەرویژ لە ئەکادیمیای هونەری لە شاری ڕاولاند (=KTML_Bold=Telemark universitetet college=KTML_End=) ساڵی 2001 خوێندویەتی و زیاتر قوڵبۆتەوە لە تەکنیکی هونەری کلتوری میللی نەرویژی لە بواری هەڵکۆڵین لەسەر تەختە (=KTML_Bold=Treskjæring=KTML_End=).
بەرهەمی تابلۆکانی ساڵانی ڕابوردووی کەرەستەی بەکارهێنراوی زیاتر زەیت بوو بەلام لەئێستادا کەرەستەی تابلۆکانی زیاتر بۆیەی ئاوی و قەڵەم ڕەنگ و قەڵەم دار و خەڵوزە.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/375517/0001.JPG=KTML_ImageCaption_Title=تابلۆی جەنەراڵی پایز=KTML_ImageCaption_CaptionStyle=000000=KTML_ImageCaption_Caption=تابلۆی جەنەراڵی پایز=KTML_ImageCaption_End=
=KTML_Bold=تارا دەڵێت=KTML_End=؛ ناجێگیری ئاسایش و مێژووی تاڵی گەلەکەمان، هەمیشە کاردانەوەی سەختی لەسەر هەست و دەروونم هەبووە، هەربۆیە کارم بۆ یادە تاڵەکان کردووە !
ڕووداو و ئازارە کوتوپڕەکانی ژیانی کۆمەڵگاکەم لەبیر نەکردوە!
پۆرترێتی هەندێ لە شاعیر و ناودارانی کێشاوە !
تارا محەمەد ئەمیین؛ سروشت پانتاییەکی جوان و مەودایەکی فراوانی هەیە لە هزرو ڕۆحی دا، خوڵقێنەری فەنتاسیا و کۆنتراستی ڕەنگەکانە هەربۆیە کاری زۆری بۆ جوانی سروشت کردووە.
چەند نمونەیەک لە تابلۆکانی:
1- پۆرترێتی جەنەراڵی پایز
2- پۆرترێت کۆچی ئێزیدیەکان
3- دیمەنێک لە سەختیەکانی گوندنشین
4- کۆڕەوەکەی ساڵی1991
5- پیاسەیەک لە دارستاندا
6- تێڕوانن لە چیمەنەوە
$پێشانگا هاوبەشەکانی تارا ئەمین$.
ساڵی 1989 لەگەڵ شێوەکار #ڕووناک عوسمان# لە گەلەری دەبۆکە لە شاری سلێمانی پێشانگای هاوبەشیان کردۆتەوە.
ساڵی 1998 پێشانگەی هاوبەشی لە شاری (کۆنگسبێرگ) لەگەڵ هاوژینەکەی و هونەرمەندانی نەرویژی و کردۆتەوە.
ساڵی 1999 بەشداری پێشەنگایەکی هاوبەشی کردووە لەگەڵ شێوەکار ئەنوەر سابیر لە شاری (ڕاولاند ٫ لە تەلەمارک) لە نەرویژ.
ساڵی 1998 تا 2006 بەشداری پێشانگای ساڵانەی یانەی شێوەکارانی (کۆنگسبێرگ) کردوە.
ساڵانی 2017 - 2018 - 2019 بەشداری پێشانگای کۆمەڵی هونەری شێوەکارانی شاری (فرێدریکستاد) کروە.
لە 20-07-2019 لەگەڵ شێوەکار ئەنوەر سابیر لەشاری (فرێدریکستاد) پێشەنگایەکی هاوبەشیان کردۆتەوە.