بەناوی خودای بەخشندە و میهرەبان
سەرباری ئەوەی لە ماوەی ڕابردوو هەوڵی زۆرمان دا کە شەڕ و ناسەقامگیری لە گەلی کورد لە سووریا دوور بکەوێتەوە و چیتر نەهامەتی و کارەسات ڕوونەدەن، بەڵام بەداخەوە لە چەند ڕۆژی ڕابردوو ناوچە کوردنشینەکانی باکووری سووریا تووشی پەلاماردان و دۆخێکی مەترسیدار بوونەتەوە.
بەردەوامبوونی شەڕ و ئەو دۆخە مەترسیدارە، هەڕەشەیەکی زۆر جدییە بۆ سەر ژیانی خەڵک و ئاسایش و سەقامگیریی کۆی ناوچەکە دەکاتە ئامانج.
لێرەدا بە پێویستی دەزانم بە خەڵکی خۆڕاگری کوردستان و لایەنەکان ڕابگەیێنم کە، هۆکارەکانی ئەو شەڕە هەرچییەک بووبن و هەر لایەنێک کەمتەرخەم بووبێت یان دەستی لەم دۆخە ترسناکە هەبووبێت، ئێستا کات، کاتی موزایەداتی بێهوودە و بۆچوونی عاتیفی و هەڵچوون نییە. کاتی ئەوەیە کە هەموو لایەکمان هەرچی هەوڵ و توانامان هەیە بەکاری بهێنین بۆ ئەوەی کۆتایی بەو شەڕە بێت و چیتر خەڵکی بێ تاوان باجی ئەو دۆخە مەترسیدارە نەدەن و ڕێگەیش لە گۆڕینی دیموگرافیی ئەو ناوچەیە بگیرێت.
#مسعود بارزانی#
#12-10-2019#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,980