هاوبیر کامەران حەمەئەمین
هاوبیر کامەران نوسەر، وەرگێڕ، ڕۆژنامەنووس، مامۆستای یۆگا و شارەزای بواری زانستی پزیشکی کلاسیکی هیندیە.
هاوبیر کامەران تاکو ئێستا (2019)بێجگە لە وتنەوەی کۆرسی تایبەت بە زمانی فارسی، شیکردنەوەی کتێبە پیرۆزەکانی هیند، زانستی کوندالینی یۆگا، زانستی پزیشکی کلاسیکی هیندی، هەستاوە بە وتنەوەی زیاتر لە 80 خولی یۆگا لە کوردستان و وڵاتی سوید، خاوەنی زیاتر لە 20 کتێب و 100 بەرنامەی بینراوو بیستراوی میدیایی و 95 سیمینار و دەیان ستون و وتارە لە ڕۆژنامە و گۆڤارەکانی کوردستان و ئەوروپا.
ساڵی 1982 لە شاری سلێمانی لە کوردستانی باشور لە دایکبووە. قۆناغی سەرەتایی و ناوەندی هەر لەوێ تەواو کردووە و دواتر لەبەر هەندێک هۆی تایبەتیەوە وازی لە خوێندن هێناوە.
ساڵی 1994 دەستدەداتە ئەنجامدانی کۆنغفۆی وایت کرین. (White Crane Kung Fu)
ساڵی 1996 خەواندنی موگناتیسی فێردەبێت و ئەزموونی دەکات و هەر لەو ساڵەشدا دەستدەداتە ئەنجامدانی یۆگا.
ساڵی 1998 عەقیدەی ئیسلامی و تجوید و فیقهو ئوسوڵی فیقهی لای کۆمەڵێک مامۆستای شارەزا خوێندووە.
ساڵی 1999 دەچێتە نێو حەلقەی تەسەوفی ئیسلامی و لە هەردوو تەریقەتی قادری و نەقشبەندی تەریقەتی وەرگرتووە و دەستیداوەتە خوێندنەوەو لێکۆڵینەوە لە تەسەوفی ئیسلامی.
ساڵی 2000 لێکۆڵینەوەو دیراسەی لەسەر فەلسەفەی یۆنانی و فەلسەفەی فەیلەسوفانی ڕۆژاوای سەدەکانی ناوەراست و دواتریش فەلسەفەی ئیگزستانسیالیزم(existentialism) کردووە.
ساڵی 2002 دەبێتە قوتابی یەکێک لە مامۆستا گەورەکانی یۆگا بە ناوی سوامی مادهاڤاناندا(برزۆ قادری) و هاتایۆگا و سانکەلپیت کریای یۆگای لێوەرگرتووە.
ساڵی 2006 بەشداری کۆرس و فێرکاریەکانی (سوامی ڤیشۆدهانانداگیری) بووە لەکوردستان و یۆنان و تا ساڵی 2008 خویندکاری سلکی یۆگای گۆسوامی بووە لای هەمان مامۆستا.
ساڵی 1999 هاوبیر و چەند هاوڕێیەکی هەستاون بە دامەزراندنی (کۆمەلەی یۆگا لە کوردستان) کە سەرەتا ناوی (کۆمەڵەی هونەری یۆگا) بووە و دواتر ناوەکەی گۆڕدرا بە کۆمەلەی یۆگای گۆسوامی.
ساڵی 2007 بۆ 2009 لێپرسراوی کۆمەڵە بووە و دووجار بۆ ئەو پۆستە هەلبژێردراوە.
ساڵی 2005 یەکەمین کتێبی خۆی لەژێر ناوی (خاچ و گەیشتن بە خودا لە فەلسەفەی یۆگادا) لە لایەن دەزگای چاپ و پەخشی سەردەمەوە بۆ چاپ و بڵاوکرایەوە. ئەم کتێبە لێکۆڵینەوەیەکە لەمەڕ مەسەلەی خودا و گەیشتن بە هەقیقەت لە یۆگا و هیندۆیزم و فەلسەفەی یۆنانی و هیندیدا کە تیایدا لایەنگری یەکێتی ئایینەکان و یەکێتی بوونی کردووە.
ساڵی 2007 سەرنووسەری گۆڤاری یۆگا بووە.
ساڵی 2014 دەچێتە ئەوروپا و لە وڵاتی سوید نیشتەجێ دەبێت و دەبێتە سکرتێری ڕێکخراوی نینا.
ساڵی 2017 دیپلۆمی زانستی ئایورڤێدا لە ولاتی سوید وەردەگرێت و دەبێتە ڕاوێژکاری ئایورڤیدا.
ساڵی 2016 و 2019 دووجار لەلایەن یەکێتی نوسەرانی سویدیەوە لەپای نوسینی کتێبی (نهێنی نەمر) و (حیکمەتەکانی سولەیمان) خەڵات کراوە.
بەرهەمەکانی نوسەر:
1_ خاچ و گەیشتن بە خواوەند لە فەلسەفەی یۆگادا(نوسین)
2_ ئەو لە نیگاهێکدا(نوسین)
3_ یۆگادارشان(نوسین)
4_ ئارامی لە ڕێگەی یۆگاوە(نوسین)
5_ لەبارەی یۆگا و ڕۆحانیەتەوە(نوسین)
6_ گەمەی ژیان (نوسین)
7_ نهێنیی نەمر بەرگی یەکەم (نوسین)
8_ نهێنیی نەمر بەرگی دووەم (نوسین)
9_ زانست و فەلسەفە ڤێداییەکان (نوسین)
10_ حیکمەتەکانی سولەیمان (نوسین)
11_ سروودەکانی خودا_بهاگاڤادگیتا(وەرگێڕان)
12_ ڕێگەی هەق_دامماپادا (وەرگێڕان)
13_ هاتایۆگاپرادیپیکا (وەرگێڕان)
14_ حیکمەتەکانی یۆگا_یۆگاسوترا (وەرگێڕان)
15_ کۆی دوو دەریاکە(وەرگێڕان)
16_ ڕێگەی یۆگا (وەرگێڕان)
17_ ئەو کاتەی هەموو شتێک جێگەی خۆی گرت(وەرگێڕان)
18_ بڵێ بەڵێ (وەرگێڕان)
19_ خەرمانی وشیاریی (وەرگێڕان)
20_ بهاجاگۆڤێندام(پیاچوونەوە و پێشەکی و پەراوێز)
21_ ڕیگ ڤیدا(پێشەکی و پەراوێز)
22_ چرای ڕێگەی خۆتبە (پیاچوونەوە)
23_ کێکی بەهەشتی داپیرە (پیاچوونەوە)
24_ خۆراکی سروشتی و تەندروستی لەسەر بنەمای ئایورڤێدا (پیاچوونەوە).
25_ تێڕامان (پیاچوونەوە). [1] [2]
=KTML_Link_Facebook_Begin=https://www.facebook.com/%D9%87%D8%A7%D9%88%D8%A8%DB%8C%D8%B1-%DA%A9%D8%A7%D9%85%DB%95%D8%B1%D8%A7%D9%86-Hawbir-Kamaran-799496683764724/?ref=page_internal=KTML_Link_Facebook_Between=فەیسبووکی: هاوبیر کامەران حەمەئەمین=KTML_Link_Facebook_End=