کۆمیتەی گەلان و باوەڕییەکانی کەجەکە بە بۆنەی مانگی موحەرەمەوە کە عەلەوی و موسوڵمانانی شیعە بەرخۆدانی کەربەلا بەبیردەهێننەوە و تێیدا شین دەگێڕن وخواردنی عاشوورا بڵاودەکەنەوە، پەیامێکی بڵاوکردەوە.
کۆمیتەی گەلان و باوەڕی کەجەکە وتی عەلەوی و موسوڵمانانی شیعە، ئەمساڵەش بە ڕۆژۆ و بڵاوکردنی خواردنی عاشوورا بەرخۆدانی کەربەلایان بەبیرهێنایەوە. سڵاوی خۆمان بۆ ئەو کەسانە دەنێرین کە بە عیبادەتەکەیان بەرخۆدانی کەربەلا بەبیردەهێننەوە. هیوادارین ڕۆژۆ و بڵاوکردنی خواردنی عاشوورایان قبوڵبکرێت.
کەجەکە لە پەیامەکەدا دەڵێت خەباتی ئیمام حسێن و دەیان هاوڕێکانی لەدژی زۆڵمی یەزید، لە ڕۆژهەڵاتی ناوەڕاستدا تێکۆشانێکی گرنگە. ئەو تێکۆشانە لەدڵی دادمەندان و خەباتی یەکسانی و ئازادی گەلان و هزر و بیریاندا جێگەیەکی پیرۆزی هەیە. بەرخۆدانی کەربەلا بە شێوەی عیبادەت بەبیردەهێنرێتەوە و میراسێکی پیرۆزی تێکۆشانی ئازادی مرۆڤایەتی بۆ گەلەکەمان بەجێهێشتووە. لەبەرئەوە ئیمام حسێن لە ڕۆژهەڵاتی ناوەڕاستدا ڕێبازێکە. ئەوانەی لەسەر خەباتی داواکاری ماف و دادمەندی بەردەوامن، 1379 ساڵە بە ڕۆژۆگرتن و بڵاوکردنەوەی خواردن، گیانی نرخی مرۆڤایەتی و بیروباوەڕیان بۆ نەوەکانی دوای خۆیان بەجێهێشتووە.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,519 car hatiye dîtin