باکووری کوردستان
- داگیرکەری تورک سزای زیندانی ساڵێک و سێ مانگی بەسەر سەڵاحەدین دەمیرتاشسەڵاحەدین دەمیرتاش هاوسەرۆکی پێشووی هەدەپەهەدەپەدا سەپاند.[2]
لە ئۆپەراسیۆنێکی قڕکردنی سیاسیدا لە دێرسمدێرسم، جەلال ئایدین، بەڕێوەبەری پێشووی دەبەپەدەبەپە، موراد پۆلاد هاوسەرۆکی پێشووی هەدەپە، بالابان تورگوت و جەمال گونگۆرموش-ی بەڕێوەبەرانی هەدەپە، محەمەد عەلی یازر-ی ئەندامی ئەنجومەنی گشتی، مستەفا ئاتاچ-ی بەڕێوەبەری فیدراسیۆنی ئەنجومەنە سۆسیالیستەکان (سەمەفە - SMF) ئۆزجان ئاتەش، فەریدە کت و بێریڤان کت گۆنگروموش دەستبەسەر کران. بەپێی زانیارییەکان بێریڤان کت گونگۆرموش بە کۆرپەیەکی سێ مانگیی سکپڕە. دەوترێت ئۆپەراسیۆنی دێرسم بەردەوامە و لەوانەیە ژمارەی دەستبەسەر کراوەکان بەرز ببێتەوە.[2]
باشووری کوردستان
- بە چاودێری حکوومەتی هەرێمی کوردستان، بۆ ماوەی سێ ڕۆژ 12مین کۆنگرەی هەنگەوانانی عەرەب لە پێشانگای نێودەوڵەتی هەولێرهەولێر بەڕێوەدەچێت، تیادا جێگە لە هەنگاوانانی کوردستان، هەنگەوانانی 20 وڵات لە کیشوەرەکانی ئاسیا و ئەوروپا ئەفریقیا ئامادەی کۆنگرەکە دەبن و بەرهەمەکانی خۆشیان نمایش دەکەن.[1]
- ڕێکخراوی منداڵپارێزی کوردستانمنداڵپارێزی کوردستان هەشتەمین پێشانگەی ساڵانەی هونەری شێوەکاری و ئیشی دەست بۆ بەرهەمی منداڵانی سودمەندی پڕۆژە پەروەردەییە درێژخایەنەکانی کردەوە و بڕیارە تا سەعات 5ی ئێوارە و بۆ ماوەی دوو ڕۆژ بەردەوام بێت. پێشانگەکە لە هۆڵی نیشتمانی ئەمنە سوورەکەئەمنە سوورەکە بەڕێوەدەچێت و داهاتەکەشی بۆ (پاراستن و تەندروستی و پەروەردە) یە بۆ هەموو منداڵێک.[4]
- سێرگی لاڤرۆڤ، وەزیری دەرەوەی ڕووسیا دوای سەردانی بۆ بەغدا گەیشتە هەرێمی کوردستان و لە فڕۆکەخانەی نێودەوڵەتی هەولێر لەلایەن مەسروور بارزانی پێشوازی لێکرا. لە چوارچێوەی سەردانەکەی بۆ هەولێر، سێرگی لاڤرۆڤ بە جیا لەگەڵ مەسعود بارزانیمەسعود بارزانی، نێچیرڤان بارزانینێچیرڤان بارزانی و مەسرور بارزانیمەسرور بارزانی کۆبووەوە.[7]
- ئێوارەی ئەمڕۆ، فڕۆکەکانی تورکیا بۆ یەکەمجار گوندی پێشابووریان لە سنووری شارۆچکەی ڕزگاری سەر بە شارۆچکەی زاخۆزاخۆی بۆردوومانکرد، بەڕێوەبەری شارۆچکەی ڕزگاری دەڵێت: ترس و دڵەڕاوکێی بۆ خەڵکی ناوچەکە دروستکردووە.[6]
- خەڵاتەکانی چوارەمین ڤیستیڤاڵی نێودەوڵەتی فیلمی سلێمانیسلێمانی دابەشکرا.[5]
رۆژئاوای کوردستان
- ئەمڕۆ سەرلەبەیانی، هێزەکانی هاوپەیمانی نێودەوڵەتی لە خاڵەکانی لە سەر سنوری شاروچکەی سەرێکانیسەرێکانی کانتۆنی حەسەکەحەسەکە و گرێ سپیگرێ سپی هەرێمی فورات دەستیان بە کشانەوە کردووە.[2]
- لە ڕۆزبەی شارەکانی فیدراسیۆنی باکوور و ڕؤژهەڵاتی سووریا دەیان هەزار هاووڵاتی لە هەمبەر هەڕەشەکانی دەوڵەتی تورک ڕژانە سەرشەقامەکان.[2]
- هێزەکانی سوریای دیموکراتیک (قەسەدە - QSD) لە تویتێکدا ئاماژەی بەوەدا، یەکەمین ئەنجامی کشانەوەی هێزەکانی ئەمریکا، پێشێلکردنی ڕێککەوتنی میکانیزمی ئاسایش بوو و هێزەکانی ڕژێم بە پشتگیری ڕووسیا بەرەو منبجمنبج پێشڕەوی دەکەن.[2]
- میدیاکانی تورکیا ئاشکرایانکرد: تەقینەوەیەک لە شارۆچکەی عەزاز لە ڕۆژئاوای کوردستان ڕوویداوە کە لە ژێر دەسەڵاتی ئەو چەکدارانەدایە کە تورکیا پشتیوانی دەکات و بەهۆیەوە کەسێک گیانی لەدەستداوە.[2]
دەرەوەی کوردستان
- کۆشکی سپی ڕایگەیاند، تورکیا 'لە ماوەیەکی نزیکدا' ئۆپەراسیۆن ئەنجام دەدات و ئەوانیش لە سنور کشاونەتەوە و لە ئێستا بە دواوە، تورکیا بەرپرسی ئەو داعشداعشانەیە کە زیندانیکراون.[2]
- برێت مەکگۆرک لەبارەی کشانەوەی هێزەکانی ئەمریکا لە ڕۆژئاوای کوردستان ڕایدەگەیەنێت ترا مپ دوای پەیوەندی تەلەفۆنی لەگەڵ سەرکردەیەکی بیانی، خەڵاتێکی پێشکەش بە ڕوسیا و ئێران و داعش کرد.[3]
- ڕەجەب تەیب ئەردۆغانڕەجەب تەیب ئەردۆغان، سەرۆککۆماری تورکیا ڕایگەیاند، سوورن لەسەر هێرشکردنە سەر ڕۆژهەڵاتی فورات لە سووریا و هێزەکانی ئەمەریکا دەستیان بە کشانەوە کردووە.[1]
- کۆنگرەی نەتەوەیی کوردستانکۆنگرەی نەتەوەیی کوردستان لە بەرامبەر هەڕەشەکانی تورکیا لە سەر باکور و ڕۆژهەڵاتی سوریا داوادەکات دەبێت هەر کوردێک لە کوردستان یان لە هەر شوێنێکی جیهان بێت، بە گیانی پێکەوەیی، بە چالاکی و هەر کارێک کە بتوانن لە دژی دەوڵەتی تورک بوەستنەوە، بەرگری بکەن و پارێزگاری لە ڕۆژئاوای کوردستان بکەن، ئەمڕۆ ڕۆژ ڕۆژی بەرخۆدانە کەنەکە داواش لە نەتەوە یەکگرتووەکاننەتەوە یەکگرتووەکان و هەموو مرۆڤایەتیش دەکات باکور و ڕۆژهەڵاتی سوریا بە تەنیا جێنەهێڵن.[5]
- سەرۆکی ئەمریکا لە یەکەم هەڵوێستی سەبارەت بە ڕووداوەکانی ڕۆژئاوای کوردستان و کشانەوەی وڵاتەکەی لە سووریا ڕایگەیاند: ئێمە لەو شەڕە بێمانا و بێ کۆتاییە دێینە دەرەوە. کوردیش بەبێ بەرامبەر شەڕی نەکردووە، دنیایەک پارە و چەکمان پێداون.[6]
- نەتەوە یەکگرتووەکاننەتەوە یەکگرتووەکان داوا دەکات لە ئەگەری هێرشی تورکیا بۆ باکوری ڕۆژهەڵاتی سوریا، پێویستە هاووڵاتییانی مەدەنی لە ناوچەکە پارێزراوبن.[4]
- یەکێتی ئەوروپا دژایەتی خۆی لەبەرامبەر هەر هێرشێکی تورکیا بۆ سەر باکوری سوریا دەربڕی ڕایگەیاند: ئەم جەنگە دەبێتە هۆی لەباربردنی تێکڕای هەوڵە دیبلۆماتیەکان کە بۆ چارەسەری پرسی سوریا نراون.[4]
- دۆناڵد ترەمپ لە تویتێکدا دەنووسێت، هەروەک چۆن پێشتریش گوتوومە و ئێستاش دووپاتیدەکەمەوە، ئەگەر تورکیا کارێک بکات کە من بە ژیریی بێپایانی خۆم پێموابێت سنووری بەزاندووە، ئەو کاتە ئابوورییەکەی بە تەواوی وێراندەکەم و لەناویدەبەم.[6]
- سەرۆکی دادی ئەنجوومەنی پیرانی ئەمریکا ڕایگەیاند ئەگەر هێزی ئەمریکا پشت لە کورد بکات شکۆی ئەمریکا لەکەداردەبێت.[5]