روونکردنەوەیەک لە وەزارەتی کشتوکاڵی هەرێمی کوردستانەوە
دوای ئاراستە کردنی نووسراوێکی وەزارەتمان بۆ (وەزارەتی کشتوکاڵی حکومەتی عیراق/ دەستەی گشتی رووپێوی) پەیوەست بە ئیفرازکردنی چەند پارچە زەوییەک لە سنووری پارێزگای
هەڵەبجەهەڵەبجە، کە لە نووسراوەکەماندا بە (شارۆچکەی هەڵەبجە لە پارێزگای
سلێمانیسلێمانی) ئاماژەی پێکراوە. هەندێک کەس رەخنەی ئەوەیان گرت کە پارێزگای هەڵەبجە بە قەزا ناو براوە. لەمبارەیەوە بە پێویستی دەزانین ئەم روونکردنەوەیە بخەینە بەرچاوی هەمووان:
1 – تاکو ئێستا لە هەندێک دامەزراوەی حکومەتی ناوەندی رێکاری پێویست نەگیراوەتە بەر بۆ چەسپاندنی ناوی هەڵەبجە وەک پارێزگایەکی عیراق، بەتایبەت لەو ئاستانەی فەرمانگە و دەستەن و سەربە وەزارەتەکانن.
2 – نووسراوەکەی وەزارەتمان تایبەت بوو بە ئیفرازکردنی زەوی و ئاگایانی بواری زەوی و زار دەزانن کە تاکو ئێستا لە عیراق کار بە تەسویەی زەوی و زاری ساڵی (1950) دەکرێت، کە لەوێدا نەک هەڵەبجە، هێشتا
دهۆکدهۆک وەک پارێزگا ناوی نەهاتووە، بەڵکو بە قەزای دهۆک پارێزگای نەینەوا ناوی هەیە، ئەمەش هۆکارەکەی لەبەردەست نەبوونی تەسویە و نەخشەیەکی نوێی زەوی و زاری عیراقە، ئێمەش بۆ ئەوەی کاروبارەکان بە زوویی رایی بکرێن بە هەمان ناونیشان کە لەسەر نەخشەکانی لای دەستەی گشتی رووپێوی عیراق هەیە ناونیشان و ژمارەی پارچە زەوییەکانمان ناردووە. ئەگەر بە ناونیشانە نوێیەکەی هەڵەبجە داوای رایی کردنی کارەکەمان بکردایە لای ئەوان ناونیشانەکە نەدەدۆزرایەوە و کارەکان دوا دەکەوتن، یان نەدەکران.
3- لە دید و هزری ئێمەدا هەڵەبجە ناوێکی گەورەی شکۆدارە و پارێزگایەکە جێگای شانازی هەموو کوردانە، ئەم سەرنج و رەخانانە سەرئەنجامی نەبوونی تەسویەی نوێی زەوی و زار و سستی رێکاری ئیداری پێویستن بۆ ئەو گۆرانکارییە ئیدارییانەی بەسەر وڵات دا دێن، دەبوایە دوای ئەو هەموو ماوە زۆرەی هەڵەبجە وەک پارێزگا ناسێنراوە لە هەموو دەزگا و دامەزراوە رەسمییەکاندا وەک پارێزگا بچەسپێنرایە، بەڵام بە داخەوە هۆکار و مەبەستەکە هەرچییەک بێت لە ئاستی پێویست دا نەکراوە. وەک وەزارەتی کشتوکاڵ و سەرچاوەکانی ئاو لە حکومەتی هەرێمی کوردستان دا دووپاتیدەکەینەوە کە لە کۆبوونەوەکانماندا لەگەڵ حکومەتی ناوەندی کاردەکەین بۆ ئەوەی هەڵەبجە لە هەموو ئەو دامەزراوانەی ئێمە سەر و سەودامان لەگەڵیاندا هەیە وەک پارێزگا ناوەکەی بچەسپێنرێت.
[1]