سەرۆکایەتی شارەوانی #کفری#، لە سنوری ئیدارەی #گەرمیان#، ئەمڕۆ لە پارکی شەهید حسێن حەمە سمکە، لەهەڵمەتێکدا زیاتر لە500 نەمامی چاند.
لەبارەی هەڵمەتەکەوە، قادر فاتیح، سەرۆکی شارەوانی کفری وتی : لەهەڵمەتەکەدا چوار جۆر نەمام چێندران، کە بریتی بوون، لە ئەلبێزا، فڵچە بوتڵ، مۆرت و چنارهۆڵەندی، ئەم نەمامانە بە زوویی پێدەگەن و سیمایەکی جوان دەبەخشن.
سەرۆکی شارەوانی کفری ئاماژەی بۆئەوەشکرد، پارکی شەهید حسێن ساڵانێکە پشتگوێ خراوە و ئامانجیان ئەوەیە جارێکی دیکە پارکەکە زیندوو بکەنەوەو خەڵکی شارۆچکەکەش بۆ بەسەربردنی کاتێکی خۆش ڕووی تێبکەن[1].