بەپێی ئامارەکانی #وەزارەتی پەروەردە#ی حکومەتی هەرێمی کوردستان، 88 هەزار خوێندکاری بەڕەگەز عەرەب کە خەڵکی ناوچەکانی باشوور و ناوەڕاستی عێراقن لە 44 خوێندنگەی عەرەبی بە زمانی دایکی خۆیان و لەسەر پڕۆگرامی وەزارەتی پەروەردەی عێراق دەخوێنن.
هەر بەپێی ئامارەکان، لە سەرەتای ساڵانی نەوەدەکانەوە تاکو ئێستا، ژمارەی خوێندکاران لە 534 هەزار خوێندکارەوە بووەتە یەک ملیۆن و 735 هەزار و ژمارەی مامۆستایان لە 21 هەزارەوە بووەتە 136 هەزار، هەزار و 320 خوێندنگە بووەتە شەش هەزار و 789 و ڕێژەیی نەخوێنەواریش لە 34%وە کەمبووەتەوە بۆ 15%.
هەر بەپێی ئەو ئامارانە، زیاتر لە 300 پڕۆژە بۆ درووستکردنی باڵاخانەی خوێندنگەکان بەهۆی قەیرانی دارایی-ەوە وەستاون و کەرتی پەروەردە لە ساڵی 1991ەوە تاکو ئێستا بە بەراورد بە ناوچەکانی عێراق پێشکەوتنی گەورەی بەخۆیەوە بینیوە.
ئینستتیۆتی پەی بۆ پەروەردەو گەشەپێدان، لە نوێترین ڕاپۆرتیدا لەبارەی ڕەوشی پەروەردە ئاشکرای دەکات: بەپێی ئامارەکانی خودی وەزارەتی پەروەردە، ساڵانە ژمارەیەکی زۆر لە منداڵان واز لە خوێندن دەهێنن، لە ساڵانی (2018 -2019)دا 34 هەزار و 527 خوێندکار وازیان لە خوێندن هێناوە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,932 mal angesehen