لە ماوەی چوار ڕۆژی جەژنی قوربان لە دەڤەری ڕاپەڕین، نزیکەی دوو هەزار کەس سەردانی ناوەندە تەندروستیەکانیان کردووە و لەو چوار ڕۆژەشدا 21 حاڵەتی پێوەدانی دووپشک و 9 حاڵەتی سوتان ڕوویداوە.
تەها محەمەد، بەڕێوەبەری ڕاگەیاندنی تەندروستی ڕاپەڕین ڕاگەیاند: لە ماوەی چوار ڕۆژی پشووی جەژنی قوربان نزیکەی دوو هەزار کەس سەردانی ناوەندە تەندروستیەکانی دەڤەری ڕاپەڕینیان کردووە و لەو ژمارەیەش 670 کەس لە نەخۆشخانەکان هێڵدراونەتەوە و هاوکات چوار حاڵەتی مردنیش تۆمارکراوە.
وتیشی: هەر لە ڕۆژانی جەژندا لە نەخۆشخانەی منداڵان و منداڵبوونی ڕاپەڕین 41 منداڵ لە دایکبوون کە 26 منداڵ لە ڕەگەزی نێرن و 15 منداڵیش لە ڕەگەزی مێن.
باسی لەوەشکرد: هەر لەو چوار ڕۆژەی جەژندا 21 حاڵەتی پێوەدانی دووپشک و 9 ڕووداوی سوتان تۆمارکراون.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,957 car hatiye dîtin