بەڕێوەبەرایەتی تەندروستی هەولێر ڕایدەگەیەنێت: لە ڕۆژانی جەژندا پێوەدانی مار و دووپشک زیادیکردووەو لە هەر چوار ڕۆژەکەیشدا 123 منداڵ لەدایکبوون.
فاخیر کرمانجی، وتەبێژی تەندروستی هەولێر : ئه و پلانەی بۆ ڕۆژانی جەژن دانرابوو بەشێوەیەکی باش جێبەجێکراوەو لە سەرجەم ئەو نەخۆشخانانەی قەزا و ناحیەکان کە بەشی فریاکەوتنیان هەبووە لەگەڵ هەرسێ نەخۆشخانەی فریاکەوتنی هەولێر، پێشوازی لە 11 هەزار و 689 نەخۆش کراوە.
فاخیر دەڵێت: 39 ڕووداوی هاتووچۆ و 111 حاڵەتی کەوتنەخوارەوە تۆمارکراوە کە بریندارەکان ئەو گەشتیارە عەرەبانە بوون چوونەتە شوێنە گەشتیارییەکان، حاڵەتەکانی پێوەدانی مار و دووپشک بەراورد بە جەژنی ڕابوردوو زیادیکردووەو گەیشتووەتە 61 حاڵەت، 151 حاڵەتی سووتان و 165 حاڵەتی ژەهراویبوونیش بەهۆی وەرزی گەرماوە تۆمارکراون.
سەبارەت بە ئەنجامدانی نەشتەرگەریش، کرمانجی وتی: 166 نەشتەرگەری گەورەو بچووک ئەنجامدراون، لەسنووری پارێزگای هەولێر-یش 123 منداڵ لە چوار ڕۆژەکەی جەژندا لەدایکبوون.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,807 mal angesehen