پەیامنامەی
کۆتایی یەکەم کۆنفڕانسی
بۆردی گەنجانی #یەکێتیی نیشتمانیی کوردستان#
8ی 8 ی 2019، بەچاودێری #قوباد تاڵەبانی# بۆردی گەنجانی یەکێتیی نیشتمانی کوردستان، یەکەم کۆنفڕانسی دامەزراوەیی خۆی بە نوێگەری لەکاردا، کردار لەخزمەتکردندا لەچوار میتینگدا بە بەشداری 182 ئەندام، سەرکەوتووانە ئەنجامدا.
کۆنفڕانس، لەماوەی 9 کاتژمێر کارکردنی بەردەوامدا، فەزای گەنجێتی لەزیهنیەتە کۆمەڵایەتی و کارگێڕی و سیاسیەکەی هەرێمی کوردستاندا خستە ژێر پرسیارو دردەشەکاری وردەوە، لەپێناو بەماناکردنەوەی ئەم ڕەوشە پڕ لەغەوشەدا، سەرئەنجام ئەنجامدانی دیدارو میتینگ و دیالۆگی زانستیانەی لەسەر پرسەکانی گەنج ڕاگەیاند، هاوکات وێڕای چەسپاندنی ڕێنامەی کار، یەکەی سەرەکی بەڕێوەبردنی بۆردی لەپرۆسەیەکدا یاسایی و دیمۆکراسی هەڵبژارد.
کۆنفڕانس، فەرهەنگی تەمبەڵ و مشەخۆر ڕەتدەکاتەوەو بۆرد وەک هاندەرو پشتیوانی پڕۆژەو دەرخستنی توانستە شاراوەکانی گەنجان و پێشخستنیان لەبوارە جیاکاندا، هەروەها وەک چاودێر بەسەر حکومەت و حکومەتی خۆجێی ڕاپەڕینەوە، ئەرکدار کردو، ئەنجامدانی کۆنفڕانسی ساڵانەی تایبەت بەپەرەپێدانی ئیدارەی سەربەخۆی ڕاپەڕین ڕاگەیاند. لەگەڵیدا بەرپاکردنی هەڵمەتی هۆشیاری گەڕۆک و بەردەوامی تایبەت بەڕوبەڕوبوونەوەی توندوتیژی جێندەری و بەکارهێنانی ماددە هۆشبەرەکان، کردە سەرمەشق لەچالاکییەکانید.
کۆنفڕانس، پێشوازی لەئەنجامدانی کۆنگرەی 4ی ی.ن.ک دەکاو، لەگەڵ ئەودایە کۆنگرە بۆ یەکێتی و لەپێناو یەکێتییدا بکرێت، نەک بەیەکێتی و لەپێناو لاڕێکاری یەکێتیی لەئایدیاکانی سەرۆک #مام جەلال# دا بکرێت، کۆنفڕانس هەر ڕێگەیەک لەیەکێتیدا نەچێتەوە دەباشان بەلاڕێ ئەژمار دەکات.[2]
یەکەم کۆنفڕانسی بۆردی گەنجانیی.ن.ک لەڕاپەڕین، سوپاس و پێزانین ئاڕاستەی هەڤاڵوەستا ڕەسوڵ/ ئەندامی سەرکردایەتی و هەڤاڵەکانی لەمەڵبەندی 24ی ڕاپەڕین، ناوەندی ڕێکخراوە دیموکڕاتیەکانی ڕاپەڕین، ناوەندی ئیدارەکانی ڕۆژئاوای هێزەکانی 70، هێزەکانی ئاسایش و پۆلیس، دەزگای میدیای کوردسات، کەناڵی گەلی کوردستان، تەواوی دۆستانی بۆردو ئەندامانی کۆنفڕانس دەکات، ڕێز لەپشتیوانی و هامەهەنگی و بەدەنگەوە هاتنیان دەگرێت.
درود بۆ هەڤاڵ مام جەلال، ڕێ و ڕێبازت ڕۆشن.
درود بۆ شەهیدە شکۆمەندەکانمان، سڵاو لەخانەوادە سەر بڵندەکانیان.
بەرەو نوێگەری، بەرەو ڕۆشنایی.
یەکەم کۆنفڕانسی
بۆردی گەنجانی یەکێتیی نیشتمانیی کوردستان
9ی ئابی 2019 - #ڕانیە#