یەک لە شۆفێرەکانی ناو شاری #سلێمانی# بووە، لە ساڵانی هەشتای سەدەی ڕابردوودا، دەستێکی باڵای هەبووە، لە گواستنە و هێنان و بردنی نامە و بەیانی نهێنی و ئەندامانی ڕێکخستنەکانی ناو شار بۆ شاخ، شیانی وتنە جەبار هەردوو قاچی ساڵی 1974 لە بۆردوومانی شاری #هەڵەبجە#دا لە دەست دابوو. بە وتەی خۆی ئەم کەمئەندامییەی بۆی ببوو بە خێر بۆ کارە نهێنییەکانی بە جۆرێک دەگێرێتەوە: (کە ڕۆژێک لە ناو بازاری شاری سلێمانی، دەکەوێتە ناو مەفرەزەی #مولازم موحسین#ەوە، کە بەسەر و ڕیشەوە دەیبنێ شێت و هار دەبێت. تا دەمی قورگی تف و جوێنی تێدابووە بە دەم و چاویا کردووە، دواتر دەرگای ئوتومبیلەکەی دەکاتەوە بە هەردوو دەست نووساوە بە یەخەیەوە و ڕایکێشاوەتە دەرەوە، کە بینیویەتی بە کەمئەندامی بەو دڕەندەییە چاوی پڕبووە لە ئاو، ئامێزی پێداکردووە و خستوویەتییەوە سەر کوشنەکەی و بەر لە جێهشتنی ژمارەی تەلەفونی تایبەتی خۆیی داوە پێی و وتوویەتی- ئەمە ژمارەی تایبەتی خۆمە، لێرە بەدوا هەر کەسێک لە هەر کات و شوێنک ڕایگرتی یەکسەر تەلەفونم بۆ بکە.)
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 560 times
Write your comment about this item!