نايەتە گا کێڵەوە
زەوی لەکۆندا بە هەوجاڕ و ئاسن و گا-ەوە دەکێڵرا، ئەگەر بارانێکی زۆر بباری بوايە ئەوا زەوی دەبووە قوڕ و کێڵانی لەبار نەبوو ئەگەر بکێڵرابوايە دەوترا(قوڕ کێڵ) قوڕکێڵيش لەبار نەبوو چونکە زيانی دەگەياندە بەروبومە داچێنراوەکە و کاری دەکردە سەر گەشەکردن و نەشونماکردنی، ئينجا لێرەدا ووتراوە نايەتە(کێڵان)ەوە واتە هێشتا زووە و زەويەکە ئامادە نی يە بۆ کێڵان، ئينجا ئەمە بۆ سروشتی(تەبيعەتی)مرۆڤ-يش بەکاردەهێنرێت هەندێک لەمرۆڤەکان خراپ دێنە(ڕجايێ) و درەنگ ڕەزامەندی لەسەر شتێک يان کارێک دەدەن، ژن و مێرد پێش هەموو کەس يەکتری دەناسن هەندێجار ژنەکە بەپياوەکە و بەپێچەوانەشەوە بەيەکتری دەڵێن بە مەبەست و کينايە و ئيديۆمەوە دەوترێت(نايەتە گا کێڵەوە) واتە خراپ دێتە بن بار و درەنگ ڕازی دەبێت وتراويشە(نەکورەکە-نەکوڵەکە) واتا بيژۆکە و خراپ دێتە کوڵاندن.
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,280 ganger