دواڕۆژ، پشتیوان جەمال
بەڕێوەبەرایەتی چاودێری بازرگانی #سلێمانی# ڕایدەگەیەنێت: بەوردی چاودێری نرخی گۆشتی #مریشک# دەکەین و نرخەکەشی لە ئێستادا بەرزنەبووەتەوە و لەئاستێکی باشدایە.
لەدوێنێوە (دووشەممە 18ی شوبات) نرخی مریشک لەبازاڕەکانی شاری سلێمانی بەرزبوونەوەی بەخۆيەوە بینیوە، بە بەراورد بە چەند ڕۆژی ڕابردوو بەڕادەیەک نرخی کیلۆیەک گەیشتووەتە هەزار و 800 بۆ دوو هەزار دینار.
لەوبارەیەوە #سۆران# عەبدولغەفور، بەڕێوەبەری چاودێری بازرگانی سلێمانی ئەمڕۆ سێشەممە بە دواڕۆژی ڕاگەیاند: نرخی مریشک گران نەبووە، بەڵکو سەرجەم کێڵگە پەلەوەرییەکان بەشێوەیەکی بەرچاو لەزەرەردان، چونکە نرخی کیلۆیەک مریشک لەبنەڕەتدا لەسەر خۆیان دوو هەزار بۆ دوو هەزار و 250 دینار دەکەوێت، بەڵام بەهۆی ئه و سیاسەتە بازرگانییەی کە پەیڕەوی دەکەن ناچارن لە بازاڕدا بە هەزار و 800 بۆ دوو هەزار بیفرۆشن.
بەڕێوەبەری چاودێری بازرگانی سلێمانی باس لە هۆکاری هەرزانی نرخی مریش لە ئێستادا و هۆکاری ئه و زیانە کرد کە کێڵگە پەرلەوەرییەکان دەیکەن و ئەوەشی خستەڕوو: ئەم کێڵگانە تائێستا بەرنامەیەکی ڕێکخراویان بۆ تێکردنی وەجبەی جوجکەکانیان نییە، بۆ نموونە 600 تا 700 کێڵگەی پەلەوەری هەیە، لەپڕدا هەموویان پێکەوە وەجبەی جوجکە تێدەکەن و بەیەکەوەش پێدەگەن.
وتیشی: کاتێک ئەم سیاسەتە پەیڕه و دەکەن بەرهەم لە بازاڕدا زۆر دەبێت و داواکاری کەمدەبێتەوە، ئەمەش وادەکات نرخی مریشک دابەزین بەخۆیەوە ببینێت و ئەوانیش زەرەرمەند ببن.
پێداچونەوە: ئاهەنگ حسێن[1]
#19-02-2019#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,430 times
Write your comment about this item!