یەک لە شاعیرە هایکوونووسەکانە. ئەندامی #یانەی شیعری هایکوی کوردی#یە.
لەدایکبووی 10-05-1969
#هەولێر#دەشتی هەولێر
دەرچووی کۆلێژی یاسای زانکۆی سەلاحەددینە
فەرمانبەری حکومییە لە کەرتی گشتی
دانیشتووی هەولێر-گەڕەکی ڕۆشنبیرییە.
زمانی کوردی هەردوو شێوەزاری کوردی ناوەڕاست و کوردی کرمانجی قسە دەکات.
زمانی عەرەبی زۆر بە باشی قسە و نووسین و خوێندنەوە
زمانی ئینگلیزی بە نزیکەی 50٪‏ قسە و نووسین و خوێندنەوە
لە ئەرکی فەرمانگە لە بوارەکانی
ئیداری و ژمێریاری و یاسایی کاری کردوە
لەگەڵ هەموو ئەوانە سەرپەرشتیاری ڕاهێنانی تیپێکی تازەپێگەیشتووانە لە بواری تۆپی پێ..
ئەندامی یانەی هایکوی کوردییە، لەسەرەتای ساڵی 2019 وە.
شیعر و هایکو دەنووسێت و لە ئەکاونتی خۆی و لە پەیجی یانە و هەندێک پەیجیتر بڵاویان دەکەکاتەوە.

-ژمارەیەک هایکوی بڵاوکراوەم لە یانری هایکوی کوردی

جەنگی_حاجی

تەتەری ئاسمانە،
نامەی عیشق بۆ زەوی دێنێ
ئافتاب !

خۆ نەیانخوارد؛
ئەی بۆ ئاسمان بەڕقدا چوو؟
هەڵەبجە و سێو !

کونجێکی بەهەشتە؛
بۆنی سێو لەوێ یاساغە-
هەڵەبجە !

بۆنی خۆێن دێ،
تارمایەکی ڕەش دیارە
جەنگ !

ئەنفال

دومەڵانی عەرعەر مەخۆن؛
نەبامەمکی پاکیزەیەک بێ-
گەرمیان!

گوڵاڵە سوورە بانەژاکێ-
لەوەیەجامانەی ئەنفالێک بێ-
بارزان!

لە سەر دیواری دەلال مەنووسن؛
شایەتی شانۆی مەرگەوەڕە-
بادینان!

لەودیو(کۆیە)سەرتان داخەن؛
(هەیبەت)هێشتا سەری کۆتە-
بۆ گۆپتەپە!

سەری بەرزە؛
گەرچی ویستیان ملکەچی کەن-
سەرگەڵوو!

ئەنفالی دەکەن؟
سەدکەڕەتیش چۆک دانادا-
بالیسان وشێخ وەسان!

لە 14 ی 4؛
(خەیار)م لێ ژەهری مار بێ-
مناڵێک بەحەسرەتیەوە مرد!

مژدانەی کەوتە سەر(دڵدار)؛
ئاڵاکەمانی دانەنەواند-
ئەنفال!


گەر قەرارە بڕۆی؛
ماچێکی تەڕم بکە-
(وجعلنا من الماء کلّ شيء حي) 1!


(رۆندک)

(1)
چەشنی ئۆردوو؛
پانتایی خەم کێوماڵ دەکا-
ڕۆندک!!

(2)
لازم ومەلزومی یەکن؛
ساتێ بێ یەکدی هەڵناکەن-
چاوی من وڕۆندک!!

(3)
کانیاوی ساڵی بەبەفرە؛
گڕکانی ڕۆندک دەردەکا-
چاوی کزم!!

(5)
لەڕۆژێکا سەدەها جار؛
دەسنوێژ بەڕۆندک هەڵدەگرێ-
پێڵووی چاوم!!

پارشێو و بەربانگ ماچێ؛
لەو نێوەندەش نیگای چاوان-
ڕۆژێک بە دوو ڕۆژە موفتی!


گفتی ماچێکم پێبدە؛
تەمەن هیچی تیا نەماوە-
ئەمشەو شەوی بەراتە!

خەمی دنیایە؛
شەن وکەوی دەکا دایکم-
دەنکە تەسبیح !

چەند هەوڵێکی شیعری:

بگەڕێوە کزەی جەرگم
بگەڕێوە هێشتا زووە
گەلێ شتی شاراوە هەن
پەیمان پێیان نەبردوە
بگەڕێوە وجێم مەهێڵە
لە ناخمداهەزارەهاکوچە هەیە
لەگەڵ تۆدا پیاسەم پێدا نەکردوە
هەزاران گەشتی دوور هەیە
هەنگاومان بۆ هەڵنەگرتووە
بمێنەوە لە ئامێزم
باتێر بۆنی ئەگریجەت کەم
ڕۆژگارو شەوگاری زۆر هەن
هێشتا تێپەڕمان نەکردوە
ئارامت بێ کزەی جەرگم
زۆر پەیڤی ئاشقانە هەن
هێشتا بەتۆم نەوتوە

-جەنگی حاجی


من نازانم!!!
تۆ لە کانزای خۆرەتاوی
یان خۆر لە تۆ داتاشراوە
هەرچەند دوور بی هەر ڕوناکی
لەودیو کەلیش گەر دەرکەوی
گەرمیت هەردەگا بەو ناوە
تۆڕۆشنایی هەردوو چاوی
(جەنگی)


ئەی دیوەکەی تری ڕۆحم
بەر لە چوونی یەکجارەکیت
سینەم پڕ کە لەهەناسەی گەرمی سینەت
جەستەم لەبەستەڵەکی جەمسەرەکان دەچێ
بە ترووکانێکی دییەت
چاوم پڕکە لە سەوزایی
زەردەی پایزی تەمەنم
بینایی بەجارێ بردووم
دڵم پڕکە لە ئارامی
ناسۆری داغانی کردووم
لە نێو دەریای چاوەکانت
لە پەلەقاژەی مەرگدام
فریادڕەسم بە بۆ جارێ
خۆ من بەندەیەکی خودام
(جەنگی)

من لە دنیادا تۆم هە بێ
حۆری ی ئاخیرەم بۆ چی یە
شەهدی لێوی تۆ بنۆشم
چی لەسەیلی هەنگوین بکەم
لە باخی سێوان میوان بم
بۆ چیمە من باخی ئیرەم
جەننەتی مەوعودم ناوێ
کەمن لێرە موبەشەر بم
کۆشک وتەلارم بۆچی یە
تاقی ئەبرۆی تۆم هە بێ
لەرەی زوڵف وئەگریجە ی تۆ
خۆشترە لە شنەی ئەوێ
پێکەنینی تۆم گەر هە بێ
من ئاوازی ترم ناوێ
ڕووگەی خۆمم لێ دیارە
ئەی قیبلە نمام بۆ چی یە
(جەنگی حاجی)



ئەگەر ئەمجارە بێمە لات
یان ڕێگەم کەوتە سەرڕێگات
شانەی دە کەم، دەیهۆنمەوە
پرچی بە فرینی تێکئاڵات
بە دیار هەرتالێکی سپی
ڕۆڕۆ دەکەم، کڕنۆش دەبەم
لەبەردەم ئەگریجەوباڵات
ئەگەر ئەمجارە بێمەلات
خۆ دەپارێزم لە نیگات
شەرمەزارم
لە من کەوێ دەردوبەڵات
خاتوونەکەم
ئەگەر لوا
شادبم بە دیدەنی تۆ
هەرگیز لێم مەپرسە بۆ؟؟؟
چونکە وەڵامم پێ نیە
شکیش نابەم تە نها یە ک هۆ
بۆ دووڕکەوتنەوەم لە تۆ
هەرچی بکەم هەرچی بڵێم
هەردەچێتە خانەی درۆ
ئەگەر بەڕێکەوت هاتیەوە
تۆلە من بە خشندەتربە
بوارم بۆ بڕەخسێنە
جارێکی تر بمدوێنە
لەناخی داڕوخاومدا
مردن وا تەڕاتێن دەکا
دەستی بەزەییت درێژکە
کەمێک دڵم بسرەوێنە