دواڕۆژ، بورهان یەحیا
بەرێوبەری گەشەپێدانی پیشەسازی لە پارێزگای #دهۆک# ئاشکرايدەکات لە سنوری پارێزگاکه 330 کارگە تۆمارکراون، بەڵام بەهۆی قەیرانی دارایی 121 کارگەیان لەکار وەستاون.
نازدار عەبدولقادر، بەرێوبەری گەشەپێدانی پیشەسازی لە پارێزگای دهۆک (ئەمڕۆ هەينی 8ی شوبات 2019) بۆ دواڕۆژ ووتی: لە ساڵی 2013 دا، 65 کارگه دامەزراون، لە 2014 ش 15 کارگە و لەساڵی 2015شدا 18 کارگە و لە 2016 دا 13 کارگە و لەساڵی 2017شدا 35 کارگە و لەساڵی 2018شدا 14کارگە دامەزران و ئه و ڕێژەیەش بە گوێرەی ئاستی ئابووری وڵات گۆڕانکاری بەسەردادێت.
رونیشیکردوە: ژمارەی دانانی کارگەی پترۆکیمیایی و کەرەستەی بیناسازی بەره و کەمبوون چووە، هۆکاری سەرەکیش دانانی خاڵی گومرکییە لە نێوان هەرێم و بەغدا، کە ئەگەر کێشەی ئه و خاڵە گومرگیانە چارەسەربکرێن و کارگەکان دووبارە دەبوژێنەوە و ئەوەش کاریگەرییەکی باشی لەسەر کەمکردنەوەی ڕێژەی بێکاری لە پارێزگای دهۆک دەبێت.
بەرێوبەری گەشەپێدانی پیشەسازی دهۆک ئەوەش خستەڕوو: لە سەرجەمی 330 کارگەی لە دهۆک تۆمارکراون، 121يان کارناکەن کە کارگەکانی (چیمەنتۆ، خواردن، کیمیاوی، بلۆک و...) دەگرێتەوە و 37يان بە گوێرەی پێویستی خۆیان کاردەکەن و 172 کارگەش لەسەر کار بەردەوامن.[1]
#08-02-2019#