بەهۆی بوردومانی فڕۆکە جەنگیەکانی تورکیا لە ماوەی ڕابردودا، دەیان هاونیشتیمانی بووە بە قوربانی، لە کاردانەوەی بۆردومانی فڕۆکەکانی تورکیا، ئەمڕۆ هاوڵاتیانی شارەدێی #شیلادزێ# سەرتا بەڕێپێوانی هێمنانەو دواتر هێرشیان کردە سەر بنکەیەکی سوپای تورکیا.
بەداخەوە له و هێرشەدا هاوڵاتیەک شەهیدو ژمارەیەک بینداربوو، پرسه و سەرەخۆشی ئاراستەی کەسوکاری شەهید حسێن ڕێکانی دەکەین، هیوای چاکبوونەوە بۆ بریندارەکان دەخوازین..
داواکارین دەوڵەتی تورکیا کۆتایی بە تۆپبارانکردنی خاکی باشوری کوردستان بهێنێت و هێزە سەربازیەکانیان بگەڕێنەوە خاکی تورکیا.
ئەرکی حکومەتی عێراقە بە هەماهەنگی لەگەڵ هەرێمی کوردستان سنورەکانی کوردستانی باشور بپارێزێت، لەگەڵ ڕێزگرتن و پابەندبوون بە مافی دراوسێیەتی لەگەڵ تورکیا.
بۆردومان و شەڕ و کوشتن چارەسەری کێشەی کورد لە تورکیا ناکات و تەنیا ژمارەی قوربانیەکان زیاددەکات.
ئێمە لە بزوتنەوەی گۆڕان، پێمانوایە ئەوەی چارەسەرە
بۆ کێشەی کورد لە تورکیا تەنیا گفتوگۆی ئاشتیە.
فراکسیۆنی گۆڕان لە پەرلەمانی کوردستان
#26-01-2019#