مانگی سووری کوردستان ڕایگەیاند، بە بڕی 300 هەزار یورۆ هاوکاری، کە لە 5 ئامبولانس، بەتانی، ڕاخەر، باتریی وەزی خۆر و گەرمکەرەوە، بەستەی خواردن، شیری منداڵ پێکهاتوون بۆ دەیان هەزارا هاووڵاتیی #عەفرین# لەهەرێمی شەهبا ڕەوانە کردووە.
لە ڕایگەیاندراوەکەی مانگی سووری کوردستاندا هاتووە دەوڵەتی تورکی داگیرکەر و چەتەکانی لە 20ی کانوونی دووەمی 2018 / 30ی بەفرانبار بە ئامانجی داگیرکردنی عەفرین و کۆچبەرکردنی هاووڵاتییانی عەفرین دەستیان بە هێرشی داگیرکەری کرد. دەوڵەت تورک و چەتەکانی پێبەندی ئەخلاق و پێوەری شەڕ نەبوون. لە عەفرین ژنان، منداڵان، بە تەمەنەکان کرانە ئامانج. بە بۆردومانکردنی شوێنە مەدەنییەکان ژیان و ئارامی و ماڵی هاووڵاتییانیان کاولکرد. خانوو، بینا، مزگەوت، نەخۆشخانە، بەنداو، کامپەکانی پەنابەران لەلایەن دەوڵەتی تورکەوە کرانە ئامانجی بۆردومانەکان.
راشیگەیاندووە هەروەها دەستیان کرد بە دزینی هەموو ماڵ و موڵک و کەلوپەلی هاووڵاتییانی عەفرین و عەفرینیان تاڵانکرد. لە 2 مانگدا زیاتر لە 500 هاووڵاتییان کوشت، کە چەندین ژن و منداڵیشیان لە ناودا بوو و زیاتر لە 1000 کەسی تریشیان بریندار کرد.
مانگی سووری کوردستان ئاماژەی بەوەکردووە، بەهۆی هێرشەکانی دەوڵەتی تورک و چەتەکانییەوە سەدان هەزار هاووڵاتیی عەفرین ناچار بوون کۆچ بکەن و ئێستا لە هەرێمی شەهبا لە دۆخێکی قورس دا ژیان بەسەر دەبەن.
مانگی سووری کوردستان ئەوەشی خستووەتەڕوو دەوڵەتی تورک سەدان هەزار هاووڵاتیی عەفرینی کۆچبەر کرد و لە شوێنیاندا چەتەکانی نیشتەجێکرد، دیمۆگرافیای گۆڕی و زەیتون و هەموو خێر و بێری شارەکەی تاڵانکرد.
لە ڕاگەیاندراوەکەدا باسی ئەوەشکراوە، مانگی سووری کوردستان لە سەرەتای هێرشەکانی دەوڵەتی تورک و چەتەکانییەوە تاوەکو ئێستا و بەپێی توانای خۆی هاوکاریی مرۆیی بۆ هاووڵاتییانی عەفرین ڕەوانە دەکات، کە بڕی ئەو هاوکارییانە گەیشتووەتە نزیکەی ملیۆنێک و 500 هەزار یورۆ.
مانگی سووری کوردستان داوا لە کوردستانیان و دۆستەکانیان لە ئەوروپا و ناوچەکانی تری جیهان دەکات، کە دەست بە هەڵمەتی کۆکردنەوەی هاوکاریی مرۆیی بۆ هاووڵاتییانی عەفرین بکەن.[1]
#23-01-2019#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,110 mal angesehen
Schreiben Sie Ihren Kommentar zu diesem Artikel!