دەزگای ئاماری تورکیا (تویک) ئاماری کاری مانگی تشرینی یەکەمی 2018ی لە تورکیا بڵاوکردەوە و بەپێی ئەو ئامارە 501 هەزار کەسی تر بە بێکارانی سەرو تەمەن 15 ساڵەوە زیاد بووە.
بەوەش ژمارەی بێکاران لە تورکیا گەیشتووەتە 3 ملیۆن و 788 هەزار کەس.
بەگوێرەی ئامارەکە، ڕێژەی بێکاری 1.3 زیادیکردووە و ڕێژەی بێکاری بە گشتی گەیشتووەتە 11.6%.
رێژەی بێکاریش لە ناو گەنجانی تەمەن 15 بۆ 24 ساڵ دا سەدا 3 زیادیکردووە و بەوەش ڕێژەی بێکار لە گەنجانی تەمەن 15 بۆ 24 ساڵ لە تورکیا گەیشتووەتە 22.3% و ڕێژەی بێکاریش لە ناو تەمەنی 15 بۆ 64 ساڵ 1.4% زیادیکردووە و بەوەش ڕێژەی بێکاری لەو تەمەنەدا گەیشتووەتە 11.9%.
ئاماژە بەوەشکراوە، لە کەرتی کشتوکاڵیشدا ژمارەی بێکاران کەمیکردووە بۆ 187 هەزار کەس و ڕێژەی بێکاری لەو کەرتەدا 0.8% کەمیکردووە.
لە کەرتی بیناسازیشدا 26 هەزار کەس و لە کەرتی پیشەسازیشدا 2 هەزار کەسی تر بێکار بوون.[1]
#15-01-2019#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,436 times
Write your comment about this item!