شێر لەهەرکوێ بێت چنگی خۆی پێيە
شێر بە سەرۆکی دارستان دانراوە و هەموو لايەک پێی ڕەزامەندبوون بە باشی و بەخراپيەوە، شێريش له و ئاژەڵە چڕنۆکدارە دڕندانەيە کە بەکەڵبە و چڕنۆک چەکدارە و بۆ هەر کوێيەک بڕوات ئه و دوو چەکەی پێ يە و هەميشە فيشەک و چەکی سوارە، ئينجا ئەم حاڵەتەی شێر بۆ پياوێکی ئازا و چاونەترس و قارەمانيش بەکاردێت کە هەميشە لە ئامادەباشيدايە و پێويست ناکات دڵت پێوەی بێت چونکە ئه و شێوێنراوە بەشێر، بۆيە بەکەسی بەدەست وبرد و گورجوگۆڵ دەوترێت لێی مەترسە(شێر لە هەر کوێ بێت چنگی خۆی پێ يە).