باکووری کوردستان
- هێزە ئەمنییەکانی تورکیا بەهۆی بڕیاری قەدەغەی ئەنجامدانی چالاکییەکانیان، رێگەیان بەرێپێوانی ئەندامان و لایەنگرانی هەدەپەهەدەپە لە چەند شارێکی باکووری کوردستان نەدا.[1]
- محەمەد ئۆجالان برای عەبدوڵڵا ئۆجەلانعەبدوڵڵا ئۆجەلان و پارێزەر مەزڵوم دینچ پارێزەری رێگەپێدراوی بنەماڵی ئۆجالان بۆ ئەوەی سەردانی ئیمراڵی بکەن لە رێگەی پارێزەرەکانیانەوە سەردانی داواکاری گشتیی کۆمارییان لە بورسا کرد. بەڵام ئەمجارەش داواکەیان لەلایەن تورکەکانەوە رەدکرایەوە[4]
- کاندیدی پارتیی دیموکراتیی گەلان (هەدەپە) بۆ هاوسەرۆکایەتیی شارەوانیی ئاگریئاگری یەلیز قەرەئەسلان زیندانی کرا.[4]
- هاوسەرۆکی هەدەپە لە جۆلەمێرگجۆلەمێرگ سینان کایا بە بیانووی ئەوەی بەشداری کردووە لە چالاکییەک بۆ پشتگیری لە مانگرتنی لەیلا گیوڤەن، زیندانی کرا.[4]
رۆژهەڵاتی کوردستان
- لە چوارچێوەی ناڕەزایەتی دەربڕینەکانی خەڵکی کوردستان لە بەرامبەر سیاسەتەکانی دەوڵەتی ئێران و گربوونەوەی ناڕەزایی ماموستایان، چەندین کەس لەلایەن هێزە ئەمنییەکانی ئێرانەوە دەستگیرکراون.[2]
- موختار ئەسەدی، مامۆستای زمانی ئینگلیزی و ئەندامی کانوونی سێنفیی مامۆستایانی کوردستان لە بەرانبەر ماڵەکەیدا لە لایەن هێزە ئیتلاعاتییەکانەوە دەستبەسەر کراوە.[3]
- لە بیستەمین ساڵیادی پیلانگێڕیی نێودەوڵەتیی 15ی شوباتی 1999ی دژ بە عەبدوڵڵا ئۆجەلان، زیندانییانی سیاسیی کورد لە زیندانەکانی ئێران دەستیان بە مانگرتن لە خواردن کرد.[4]
- بەرپرسانی خۆجێی رۆژهەڵاتی کوردستان داوا لە حکومەتی ئێران دەکەن بڕیاری قەدەغەکردنی کاری کۆڵبەرکۆڵبەری هەڵبوەشێنێتەوە و رێگە بە دانیشتووانی ناوچە سنوورییەکان بدرێت لە رێڕەوە رێگەپێدراوەکانەوە کەلوپەل بگوازنەوە.[5]
باشووری کوردستان
- لە سلێمانیسلێمانی، هەریەکە لە ڕێکخراوی ژنانی ئازادی کوردستان-ڕژاکڕژاک و تەڤگەری ئازادیی کۆمەڵگەی کوردستانتەڤگەری ئازادیی کۆمەڵگەی کوردستان، گردبوونەوەیەکیان بۆ شەرمەزارکردنی گەلەکۆمەی نێودەوڵەتی 15ی شوباتی ساڵی 1999 ئەنجامدا.[4]
- کۆمیتەی ئامادەکاریی چالاکییەکانی 15ی شوبات، لە شاری هەولێرهەولێر خۆپیشاندانێکیان ئەنجام داو چوونە بەردەم بارەگای نەتەوە یەکگرتووەکاننەتەوە یەکگرتووەکان.[2]
- بەرپرسی رێکخراوی بەدر لقی باکوور رایگەیاند، ئەمریکا هێزی سەربازی نوێی رەوانەی سەربازگەی K1 لە پارێزگای کەرکوککەرکوک کردووە، داواشی لە حکومەت کرد پرسی ئەو هێزانە ئاشکرابکات و هۆکاری بوونیان لەکەرکوک رابگەیەنێت.[5]
- پاشنیوەڕۆی ئەمڕۆ بەشێک لە چالاکوانان و ڕۆژنامەنووسانی سنوری ئیدارەی ڕاپەرین، بۆ پشتگیری لە چالاکوانان و ڕۆژنامەنووسانی شێلادزێشێلادزێ و سنوری بادینان، گردبوونەوەیەکی ناڕەزایەتیان لە ڕانیەڕانیە ئەنجامدا.[2]
- پارتی و یەکێتی لە سلێمانی کۆبوونەوە، سەرچاوەکان باس لەوەدەکەن کە کەسیان بە پاکێجی ئەوی تریان رازی نەبوون.[1]
- ئەمڕۆ گروپی پارێزەرانی خۆبەخشی دۆسیەی گیراوانی شیلادزێشیلادزێ و گیراوانی دهۆکدهۆک، لێدوانێکی نوسراویان لەسەر گیراوانی بادینان بڵاوکردەوە. پارێزەرانی خۆبەخشی دۆسیەی گیراوانی خۆپیشاندانی شیلادزێ و گیراوانی دهۆک لە لێدوانەکەدا دەڵێن: ماوەی 48 کاتژمێرە شێروان شێروانیشێروان شێروانی لە زیندانی زرکا لەلایەن هیزێکی چەکداری نەناسراوەوە، بە بێ بڕیار و ئاگاداری دادگا گواستراوەتەوە بۆ شوێنکی نادیار، کە یەکێک بوو لەو 18 گیراوەی بە ماددەی 156 یاسای سزادانی عێراقی تۆمەتبار کراون.[2]
- هەناردەی نەوت لە هەرێمی کوردستانەوە بۆ ئێران راگیرا ئەوەش بە بڕیارێکی وەزارەتی سامانە سروشتییەکانوەزارەتی سامانە سروشتییەکانی حکومەتی هەرێم.[6]
- بەهۆی بارینی بەفرەوە، ڕێگەی نێوان سۆرانسۆران، رواندزرواندز و چۆمانچۆمان-ڕانیە لە دیوی سنووری شارەدێی وەرتێوەرتێ داخراوە.[6]
- بەهۆی بارینی بەفرەوە، سبەی شەممە لەسەرجەم ناوەندەکانی خوێندنی سنوری بەڕێوەبەرایەتی پەروەردەی پێنجوێنپێنجوێن کرایە پشوو.[6]
دەرەوەی کوردستان
- ئەمڕۆ کۆنفڕانسی (چارەسەریی قەیرانی ڕۆژهەڵاتی ناوین؛ تێڕوانینەکانی عەبدوڵڵا ئۆجەلان) لە ئەنجومەنی لۆردان-ی بەریتانیا دەستی پێکرد. ماوریس گلاسمان ئەندامی ئەنجومەنەکە لە لیستی پارتیی کرێکاران میوانداری کۆنفڕانسەکەی کردووە و بە پشتگیریی سەندیکاکانی بەریتانیا کە ملیۆنان ئەندامیان هەیە، هەروەها ناوەندەکانی گەلی کورد له و وەڵاتە بەڕێوەدەچێت.[4]
- پۆلیسی بەریتانیا هێرشی کردە سەر ڕێپێوانی درێژمەودای هەرێمی وێڵز کە بەمەبەستی ئیدانەکردنی پیلانگێڕیی نێودەوڵەتیی 15ی شوباتی 1999ی دژ بە ئۆجالان و گۆشەگیری، بەڕێوەدەچوو.[4]

#هەدەپە | #عەبدوڵڵا ئۆجەلان | #ئاگری | #جۆلەمێرگ | #کۆڵبەر | #سلێمانی | #ڕژاک | #تەڤگەری ئازادیی کۆمەڵگەی کوردستان | #هەولێر | #نەتەوە یەکگرتووەکان | #کەرکوک | #شێلادزێ | #ڕانیە | #شیلادزێ | #دهۆک | #شێروان شێروانی | #وەزارەتی سامانە سروشتییەکان | #سۆران | #رواندز | #چۆمان | #وەرتێ | #پێنجوێن |