دواڕۆژ، زریان محەمەد
سەرۆکی لقی #سلێمانی# یەکێتی وەبەرهێنەرانی کوردستان ئاشکرای دەکات: لە شاری سلێمانی وەبەرهێنان کەمیکردوە بەشێوەیەک لەمساڵدا سفر بووە.
یاسین مەحمود، سەرۆکی لقی سلێمانی یەکێتی وەبەرهێنەران بەدواڕۆژی وت: هەرێمی کوردستان لە وەبەرهێناندا پاشەکشەی گەورەی کردوە ساڵ بەساڵ کەمدەکات، بەتایبەت ساڵانی قەیرانی دارایی و لەساڵی 2017دا کە ڕەوشی ئابوری کەمێک باشتربوو، ساڵی 2018ش باشتربووە، بەڵام وەبەرهێنان لە سلێمانیدادا سفرە، بەپێی داتاکان هەشت مۆڵەتی وەبەرهێنان دراوە، لە بەرامبەردا هەشت مۆڵەت هەڵوەشاوەتەوە.
ڕاشیگەیاند: چەندین وەبەرهێن و سەرمایەداری شاری سلێمانی ڕوویان لە ئێران کردوە مۆڵەتیان وەرگرتوە و پرۆژەکانیان کەوتۆتە جێبەجێکردنەوە کە کۆمپانیایەکی کوردستان لە ئێستادا سەرقاڵی دروستکردنی گەورەترین کارگەیە لەنێوان #سەقز# و بانە، وەبەرهێنێکی ترمان ناوچەیەکی گەشتیاری دروستدەکات لە بانە، هەروەها وەبەرهێنەرێکی سلێمانی لەگەڵ ئێراندا سەرقاڵی دروستکردنی ناوچەیەکی گەشتیارین لە نێوان ساوە و تاران.
وتەبێژی یەکێتی وەبەرهێنەران ئاماژەی بەوەشدا: کۆماری ئێسلامی ئێران یاسایەکی باشی وەبەرهێنانی هەیە کە هاوکاری وەبەرهێنەرانی دەرەوە دەکات کە پرۆژەکانی 100% بکات بەناوی خۆیەوە، ئەمەش وایکردووە سەرمایەدار و وەبەرهێنەرانی کوردستان بچنە ئێران و وەبەرهێنان بکەن.[1]
#12-12-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,790 times
Write your comment about this item!