دواڕۆژ، پشتیوان جەمال
بەهۆی لێنەکردنەوەی پۆستەرەکانی هەڵبژاردنی پەرلەمانی کوردستان لە شاری #سلێمانی#، #یەکێتیی نیشتمانیی کوردستان# و #پارتی دیموکراتی کوردستان# و #بزووتنەوەی گۆڕان# غەرامە کران.
رزگار ئەحمەد، بەرپرسی بەشی خزمەتگوزاری لە شارەوانی سلێمانی بەدواڕۆژی ڕاگەیاند، لەڕێگەی تیمەکانەوە مانگێک و 10 ڕۆژە ئەو پۆستەرانەمان لێکردۆتەوە و هەموو قەوارەکان سەرپێچییان هەبووە و بەشێوەی ڕاپۆرت بۆ نووسینگەی کۆمسیۆنی سەربەخۆی هەڵبژاردن نێردراوە بۆ ئەوەی لەو بارمتەیەی لەلایەن قەوارەکانەوە دانراوە غەرامە بکرێن.
سەبارەت بەو لایەنانەی زۆرترین سەرپێچییان کردووە و بڕی غەرامەکانیان، ناوبراو ڕوونیکردەوە بەهەمووی نزیکەی 8 ملیۆن و 500 هەزار دینارە، یەکێتی 2 ملیۆن و 500 هەزار، پارتی 2 ملیۆن، گۆڕان 1 ملیۆن و 500 هەزار.
رۆژی 30ی ئەیلولی 2018 هەڵبژاردنی پەرلەمانی کوردستان بەڕێوەچوو، شارەوانی سلێمانیش ماوەی مانگێک مۆڵەتی دایە لایەنەکان بۆ لێکردنەوەی پۆستەرەکانیان، بەڵام لەرۆژی 1-11-2018ەوە شارەوانی، هەستا بە لێکردنەوەی پۆستەرەکان.
پێداچوونەوە: ئارام غەفور[1]
#04-12-2018#
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 4,307 defa görüntülendi
Bu makale hakkında yorumunuzu yazın!