ناوەندی ڕاگەیاندنی یەکینەکانی پاراستنی گەل (#یەپەگە#) ڕاگەیەنراوێکی بڵاوکردەوە و ئاشکرای کرد کە هێزەکانیان لە چوارچێوەی قۆناغی دووەمی بەرخۆدانی سەردەمدا لە گوندی دێرمشمش-ی شاری #عەفرین# و ناوچەی جندرێس دژی چەتەکانی سوپای تورکیای داگیرکەر چالاکییان کردوون.
ڕاگەیەنراوەکەی یەپەگە:
(ڕۆژی 2ی کانوونی یەکەم\11ی سەرماوەز یەکینەیەکی ئێمە لە گوندی دێرمشمش-ی شاری عەفرین دژی دەورییەیەکی گرووپی چەتەکانی [جەیشی ئیسلام] چالاکییەکیان ئەنجام دا. لە چالاکییەکەدا 5 چەتە کوژران و 3ی دیکەشیان بریندار بوون. هەروەها ئۆتۆمبێلێکی چەتەکان تێکشکێنرا.
لە هەمان کاتدا یەکینەیەکمان لە ناوەندی ناوچەی جندرێس دژی ئۆتۆمبێلێک لە بنکەیەکی سەربازیی چەتەکانی گرووپی ئەحراری شام چالاکییەکیان کرد. لە ئەنجامدا ئۆتۆمبێلەکە بەتەواوی تێکشکێنرا. هەروەها 6 چەتە کوژران و 8ی دیکەش بەسەختی بریندار بوون.
لە ئەنجامی هەردوو چالاکییەکەدا 11 چەتە کوژران و 11ی دیکەش بریندار بوون. هەروەها 2 ئۆتۆمبێلیش تێکشکێنران.)[1]
#03-12-2018#