📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکانباکووری کوردستان
- دووەمین دانیشتنی پێنجەمین دادگەی سزا قورسەکانی شاری
وانوان دەربارەی دۆسیەی ڕۆژنامەوان
ئیدریس یڵمازئیدریس یڵماز کە بە تۆمەتی (ئەندامەتیی ڕێکخستن) بۆی کرابوویەوە، بەڕێوەچوو. یڵماز لە بەندیخانەی خارپێت-ەوە لە ڕێی سیستەمی دەنگ و ڕەنگ (SEGBÎS) بەشداری لە دانیشتنەکەدا کرد. ڕۆژنامەوان ئیدریس یڵماز لە چێوەی بەرگری لە خۆکردندا هەمان قسەکانی یەکەمین دانیشتنی دادگەی دووبارە کردەوە. هەروەها پارێزەرانی ناوبراو جارێکی دیکە داوایان کرد گوێ لە شایەتحاڵەکان بگیرێت و کاتی زیاتریان پێبدرێت. دەستەی دادگە هەموو داواکارییەکانی ڕەتکردەوە و بە بیانووی (ئەندامەتیی ڕێکخستن) سزای 6 ساڵ و 3 مانگ زیندانی کردنی بۆ ڕۆژنامەوان ئیدریس یڵماز بڕیەوە.
[5]
رۆژهەڵاتی کوردستان
- ژمارەیەک لە نوێنەرە کوردەکانی چوار پارێزگای رۆژهەڵات لە نامەیەکدا دەنگی نارەزایەتی خۆیان بەرامبەر بە هێرش و هەڕەشەکانی تورکیا بۆ سەر کوردانی رۆژئاوا دەگەیەننە سکرتێری
نەتەوە یەکگرتووەکاننەتەوە یەکگرتووەکان و داوا دەکەن رێگری بکەن لە هێرشکردنی حکومەتی تورکیا بۆ سەر سوریا و کۆمەلًکوژکردنی بێ بەزەییانەی هاووڵاتیانی کوردی ئه و وڵاتە.
[1]
لە مەهاباد 70 سانتیمەتر بەفر باریوە
- بەڕێوەبەری رێگاوبان و گواستنەوەی
مەهابادمەهاباد رایگەیاند، سەرلەبەیانیی ئەمڕۆ بارینی بەفر لە مەهاباد دەستیپێکردووە و نزیکەی 70 سانتیمەتر باریوە و بەفربارین بەردەوامیی هەیە.
[5]
- کاروانێک لە
کۆڵبەرکۆڵبەران لە شاخەکانی سنووری ناوچەی سۆمای برادۆستی
ورمێورمێ دەکەونە کەمینی هیزە نیزامییەکانی حکوومەتی ئێران و بە هۆی تەقەی ئەو هێزانە کۆڵبەرێکی کورد بە ناوی یەعقووب (کامیان) نیک سیرەت کوڕی ڕەزاق خەڵکی گوندی جۆجەهی سەر بە سۆمای برادۆست گیانی لە دەست داوە.
[7]
باشووری کوردستان
- ماڵپەڕی پوک میدیا کە میدیای فەرمی یەکێتییە، ئەمڕۆ بڵاویکردوەتەوە، کاتژمێر 10:30 خولەکی شەوی ڕابردوو، لە گەڕەکی برایەتی
هەولێرهەولێر هێزێکی سەربە ئاسایشی پارتی هەڵیانکوتاوەتە سەر ماڵی 'پێشڕەو ویستی' کارگێڕی مەڵبەندی سێی هەولێری یەکێتیی و ڕفاندویانە. ئاماژەی بۆ ئەوەش کردووە، لەلایەکی دیکەوە له گەڕەکی ڕۆشنبیری شاری هەولێر هێزی ئاسایشی پارتی هەوڵی ڕفاندنی کادیرێکی یەکێتی بەناوی 'لێزان بەکر'-یان دا.
[2][3]
- بەڕێوەبەری ئاسایشی هەولێر رایدەگەیەنێت: بەهۆی ئەوەی هێزێکی یەکێتی کادیرێکی ئێمەیان دەستگیرکردوە، بۆیە ئەوانیش ئەو کادیرەی یەکێتیان دەستگیرکردوە.
[1]
چۆمان، بەفر ڕێگای لە سەدان کەس گرتووە
- بەهۆی بارینی بەفرێکی زۆرەوە، ڕێگای نێوان
حاجی ئۆمەرانحاجی ئۆمەران –
چۆمانچۆمان گیراوە، ئەوەش بووەبەهۆی ئەوەی سەدان ئۆتۆمبێلی بارهەڵگر و تایبەت بووەستن.
[3]
- راکان جبووری، پارێزگاری بەوەکالەتی
کەرکوککەرکوک هێزێکی ئەمنی لەگەڵ ئەحمەد رەجەب داود عوبێدی ناردووە و چوونەتە نێو بەڕێوبەرایەتی وەرزش و لاوانی کەرکوک بۆ ئەوەی رەجەب داود عوبێدی وەک بەڕێوەبەری نوێی بەڕێوەبەرایەتی وەرزش لاوان لە شوێنی بەڕێوەبەری ئێستا کە کوردە، دەستبەکاربێت.
[6]
- ئەمرۆ ژمارەیەک لە ڕێکخراوەکانی کۆمەڵگای مەدەنی هەولێر و
سۆرانسۆران لەبەردەم پەرلەمانی پەرلەمانی کوردستان گردبوونەوەیەکیان ئەنجامدا و لە گردبوونەوەکەدا یاداشتێکیان خوێندنەوە، یاداشتەکەشیان رادەستی پەرلەمان کرد. هاوار هەرکی، نوێنەری ڕێکخراوەکان، یاداشتەکەی خوێندوە، کە تیایدا هاتبوو: ئەمڕۆ هاتین بە پەرلەمانتاران بڵێین، کاربکەن بۆ ئەوەی چیتر ژنان نەبنە قوربانیی دەستی کۆمەڵگای بەبیانووی شەرف و هۆکاری تر.
[3]
- بەشێک لە خوێندکارانی پۆلی 12ی شارۆچکەی
کەلارکەلار، دژی جێبەجێکردنی سیستمی 50 بە 50 لە تاقیکردنەوەکانی وەرزیی یەکەم و دووەمی خوێندن، لە بەردەم بینای پەروەردەی
گەرمیانگەرمیان گردبوونەوەیەکی ناڕەزایەتییان ئەنجامدا و داوای هەڵوەشاندنەوەی ئەو بڕیارەیان کرد.
[3]
دەرەوەی کوردستان
- موهەنەد عيقابی، بەڕێوەبەری راگەياندنی دەستەی
حەشدی شەعبیحەشدی شەعبی، ئاشکرای کرد: ژووری ئۆپراسيۆنی ئەمنی فرياکەوتن، لە نێوان عێراق و سوريا دروستکراوە بۆ رووبەڕووبوونەوەی هەر حاڵەت و کەموکوڕييەکی ئەمنی کە بەهۆی پاشەکشەی هێزەکانی ئەمريکاوە دروستببێت، هێزی پێشمەرگەش له و ژوورەدا بەشدارە.
[1]
لە گاڵتەوگەپەکانی ئەمڕۆ: 03-01-2019
- هەردوو سەرۆکی داگیرکەرانی ئێڕاق و تورکیا لە ئەنکەڕە کۆبوونەوە.
[4]
- رۆژنامەی لوپاریزینی فەرەنسیی بڵاویکردەوە، ئیمانۆئێل ماکرۆن سەرۆک کۆماری فەرەنسا رۆژی چوارشەممە (دوێنێ) لەبارەی بڕیاری کشانەوەی دوناڵد ترامپ سەرۆکی ئەمریکا لە سوریا، بە تەلەفون قسەی لەگەڵ ڤلادیمیر پوتین سەرۆکی رووسیا کردووە. رۆژنامەی لوپاریزێنی فەرەنسی هەواڵەکەی لە کۆشکی ئیلیزێ وەرگرتووە و بەپێی ئەو هەواڵە، ماکرۆن لە پەیوەندییە تەلەفونییەکەیدا بە پوتینی وتوە، پێویستە کورد بپارێزێت.
[5]
- سەرۆکی کۆمسیۆنی پەیوەندییەکانی دەرەوەی پەرلەمانی ئەڵمانیا داوا و پێشنیار دەکات، کە لەپێناو پاراستنی ڕۆژئاوای کوردستان و باکوری سوریا ناوچەی ئارام و دژە فڕین دروست بکرێت، بۆ ئەوەش داوا لە حکومەتی وڵاتەکەی و فەرەنسا دەکات پێشنیارەکە بدەنە نەتەوە یەکگرتووەکان.
[3]
- کوردەکانی نیشتەجێی تارانی پێتەختی ئێران، بە مەبەستی ڕێزگرتن و دەربڕینی ئەمەگناسیی خۆیان بەرانبەر بە دوو هونەرمەندی نەتەوەییی کورد،
مریەم قازیمریەم قازی و
سمکۆ پاکزادسمکۆ پاکزاد، کۆڕیادێکیان لە نووسینگە کۆڕی کوردانی تاران بەڕێوە برد. ئەو کۆڕیادە کە لە لایەن لێژنەی نووسینگەی کۆڕی کوردانی تارانەوە ڕێکخرابوو، بە بەشداریی لێژنە ئەدەبیی کوردانی دانیشتووی تاران (ڕامان)، لێژنەی ژنانی کوردانی دانیشتووی تاران، ئەدیبان، هونەرمەندان، خوێندکارانی کوردی زانکۆوەکانی تاران، کەسایەتییە مەدەنی و ناسراوەکانی کورد و کوردانی دانیشتووی تاران، بەڕێوە چوو.
[7]| 🗄 سەرچاوەکان |
| [1] | 📡 ماڵپەڕ | 🏳️ کوردیی ناوەڕاست | ماڵپەری دواڕۆژ - 03-01-2019 |
| [2] | 📡 ماڵپەڕ | 🏳️ کوردیی ناوەڕاست | ماڵپەری پوک میدیا - 03-01-2019 |
| [3] | 📡 ماڵپەڕ | 🏳️ کوردیی ناوەڕاست | ماڵپەری رۆژنیوز - 03-01-2019 |
| [4] | ⚫ دیارینەکراو | 🏳️ کوردیی ناوەڕاست | تەواوی کەناڵەکانی راگەیاندن |
| [5] | 📡 ماڵپەڕ | 🏳️ کوردیی ناوەڕاست | ماڵپەری ئەی ئێن ئێف نیوز - 03-01-2019 |
| [6] | 📡 ماڵپەڕ | 🏳️ کوردیی ناوەڕاست | ماڵپەری رووداو - 03-01-2019 |
| [7] | 📡 ماڵپەڕ | 🏳️ کوردیی ناوەڕاست | ماڵپەری کوردپا - 04-01-2019 |
|
| 📷 فایلی وێنە |
1.0.1 | 72 KB |
| |
Jan 3 2019 9:53AM | هاوڕێ باخەوان |