«جە 24/11/2018ی جە سەعات 8:30ی تا 9:30ی سەر سەبای، جە ناوچەو قلابانی کە سەر بە پارێزگەو شرناخ-یەن، هێزەکێمان جە 3 قۆڵێۋە هێرششان کەردەن سەرو سەربازە داگیرکەرەکانو تورکیای جە بەرزایی ڕاداری، کێلکا سنوری و سەربازگەو شڤانی. ئانڎە کە پێمان ڕۆشن بیەنەۋە جە ئاکامەنە 10 سەربازێ کوشیێنێ و ژمارێۋی فرێ بریندارێ بیێنێ و گورزی قورس جە سیپێ و بنکێ و سەنگەرەکانو دوژمنی دریێنێ. دما تەر ڕژێمی داگیرکەر بە تانکێ، تۆپێ و باڵەپڕێ جەنگیێ ناوچەکەش تۆپۋاران و بۆردومان کەردەن و بە هۆشەۋە 2 هەڤاڵێ گەریلێمان شەهیدێ بیێنێ کە جە دماتەرەنە شناسنامەکانشان پەی ڕای گردیی ئاشکرا مەکەرمێنە».
جەلایێ تەرەۋە هیزی جە ساڵیادو ئەرەمەزنای #پەکەکە#-یەنە، جە ناوچەو باشانی کە سەر بە پارێزگەو ئیدر-یەن، گەریلا چالاکیشان دژ بە سپاو تورکیای ئەنجام دابێ و جە ئاکامشەنە 1 زرێپۆش بە تەمامی دلێنەبریا بێ و هەری کەم 15 سەربازێ کوشیێ بێنێ.[1]
#28-11-2018#