ناوەندی ڕاگەیاندنی هێزەکانی پاراستنی گەل (#هەپەگە#) دەربارەی دوایین چالاکییەکانی گەریلا لە ناوچەی قلابانی شرناخ ڕاگەیەنراوێکی بڵاوکردەوە. بە گوێرەی ڕاگەیەنراوەکە گەریلاکان لە 3 قۆڵەوە هێرشیان کردووەتە سەر سەربازانی سوپای تورکیای داگیرکەر و لە ئەنجامدا 10 سەرباز کوژراون.
دەقی ڕاگەیەنراوی هەپەگە:
(ڕۆژی 24ی تشرینی دووەم\3ی سەرماوەز لەنێوان کاتژمێر 8:30 و 9:30دا، هێزەکانمان لە 3 قۆڵەوە لە ناوچەی قلابان-ی شرناخ دژی گردی ڕادار، کێلکا سنوور و سەربازگەی شڤان چالاکییەکیان ئەنجام دا. گورزی تووند لە سەنگەر و پەناگەکانی سەر گردی ڕادار، کێلکا سنوور و سەربازگەی شڤان درا. ئەوەندەی ڕوون بووەتەوە 10 سەربازی دوژمن کوژراون و زۆری دیکەش بریندار بوون. سوپای تورکیای داگیرکەر دوای چالاکییەکە بە تانک، ئۆبوس، هاوەن و فڕۆکەی جەنگی بۆمبارانی ناوچەی چالاکییەکەی کرد. به و هۆیەوە 2 هەڤاڵمان شەهید بوون. زانیاریی دەربارەی ناسنامەی هەڤاڵە شەهیدەکانمان دواتر بە ڕای گشتی ڕادەگەیەنین.)[1]
#28-11-2018#
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,148 keer bekeken
Schrijf uw commentaar over dit item!