حوسێنی شوان
نزيکەی 60ساڵ بەرخەوانی و شوانی و گاوانی گوند و پاککەرەوەی شار
ناوی تەواوی(حوسێن ئەحمەد محەمەد ئەحمەد)ە، لەدايکبوی(1953)ی گوندی #قەسرۆک#-ی شارەدێی(#ئاغجەلەر#) ی شارۆچکەی(#چەمچەماڵ#)ی شاری #سلێمانی#-يە، بەبنەچە بەگزادەی #هەڵەدن#ی جافەتی يە، لەوەتەی خۆی ناسيوە کاری(بەرخەوانی و کارەوانی و شوانکارە و گاوان) بووە تا به و دواييانە لە سەرۆکايەتی شارەوانی #تەقتەق# لەگەل ڕێکخراوی پاپەگروپ کاری پاککەرەوەی شار بووە، ژيانی پڕکەسابەتی خۆی به و شێوەيە بۆ کورديپێديا دەگێڕێتەوە:
هەروەتە لەبيرمە بوومە(بەرخەوان)ی مام مارفی باوکی شەهيد نەهرۆ(6)مانگ بە(6)دينار، دواتر کە بوومە مێردمنداڵ(7)حەوت ساڵی ڕەبەق شوانی مێگەلی(حەمەی مامە قاڵە)ی قەسرۆک-م کردووە(8)مانگ بە(8)دينار، هەروەها لەگوندی(قەلاچۆغە)ی #قەلاسێوکە# شوانی(حاجی ئەحمەدی قەلاچۆغە)بووم(6)مانگ بە(12)دينار، هەروەها لە گوندی(مەلا عەبدوڵلا)ی خوار #کەرکووک# شوانی(حاجی ساڵحی مەلا عەبدوڵلای عارەب) بووم به و دواييانە بوو بە(110)ديناری.
هەروەها ماوەی(21)ساڵيش پيشەی(گاوان)يم کردووە(20)ساڵ لە گوندی(قەسرۆک) و(1)يەک ساڵيش لەگوندی(عەلەغێر)ی دوبزی کەرکووک، لەقەسرۆک بە(8)مانگ تەنها(2)ديناری وەرگرتووە بۆ هەر مانگايەک جار هەبووە 200مانگای لەيەک کاتدا لەوڕاندووە و لەرۆژێکيشدا هەبووە(50)نانی تيری کۆبکاتەوە خاوەن مانگا و وڵاغەکە ڕۆژێک نارۆژێک نانێکی داوە بەحوسێنی گاوان بەڵام يەک سەر يان 10سەر مانگای هەبوايە ڕۆژێک نارۆژێک يەک نانی پێداوە، يەک ساڵيش بۆ گاوانی ڕوويکردۆتە گوندی(عەلەغێر)ی دووبزی شاری کەرکووک.
به و دواييانەش لە پاککردنەوەی شارەدێی تەقتەق لەگەڵ گروپی پاپەگروپ پاککەرەوەی شار بووە زياتر لە دەساڵيش ئه و خزمەتەی کردووە هەموو ئه و کارانەشی هەر بەنانەسکی و گرێبەست و بژێوی کردووە و لەهيچ دام و دەزگايەکی ميری دانەمەزراوە ويەک موچەشی نيە، پياوێکی مەزنە و لەسەر دەست وبازووی خۆی ژياوە و گۆشتی لاڕانی خۆی خواردووە کە لەمنەت هەڵگرتنی قەساب قورستر نەبووە.
لە65ساڵی تەمەنيدا دوای قۆناغی منداڵی يەکبينە شوان و گاوان و پاککەرەوەی شارە واتە نزيکەی(60)ساڵ.