نووسینی: #محەمەد هەریری#
بیرۆکەی مەسیحی دەجال زۆر باوە لە هەموو دینەکان بە ئاسمانی و ئەرزیەوە، زۆربەی دینەکان چاوەڕوانی مەهدیەک و مخلص و ڕزگارکەرێک دەکەن، لەگەڵ چاوەڕێی مەسیحێکی شەڕانگێژ و دەجال. وادیارە ئەو بیرۆکەیە ئەفسانەییەش دزەی کردۆتە ناو ئیسلام یش لەڕێگای ئەحادیس و تەفسیردا.
بەڕای ئێمە ئەو دیاردانەی مەسیحی دەجال ومەهدی و خۆ بە پێغەمبەرزانین هەمووی جۆرێک لە نەخۆشی و وەهمن لە ژێر خانەی نەخۆشییە دەرونییە دینیەکان کۆدەبنەوە.
ئەو دۆسێییە لەسەر دیاردەی دەجال و مەهدی لە ئیسلامدا نووسراوە، حەدیس وسەرچاوەکانی دین دەیسەلمێنن کە کۆمەڵگا دینییەکان چۆن لە ڕێگای دەقەوە وەهم و خوڕافاتی وایان بۆ دروست دەبێت، کە دەگاتە ڕادەی ئەوەی سەرەڕای ناڕاست دەرچوونی دەقەکانیش، کۆمەڵگا دینییەکان واقیعە ڕاستەکە فەرامۆش دەکەن و نکوڵی لێدەکەن لە پێناو ئەو خوڕافاتانەی بە دەق دامەزراون!