بڵاوکراوەکانی کوردیپێدیا: ئاراسنامە – وەشانی 1
🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|💡 دەربارە!
|
📅 ئەمڕۆ 31-05 لە مێژوودا
📅کڕۆنۆلۆژیای رووداوەکان
📅 رۆژەکان
📆31-05-2020
📆30-05-2020
📆29-05-2020
📆28-05-2020
📆27-05-2020
📆26-05-2020
📆25-05-2020
📂 زۆرتر ...
📅31 May
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
|💳 کۆمەکیارمەتیمان بدە بۆ پێکهێنانی کوردیپێدیایەکی باشتر. تەنانەت کۆمەکێکی بچووکیش دەبێتە یارمەتیدەرمان.
یارمەتیی ئێوەمان دەوێت بۆ:
* بەدەستهێنانی تەکنەلۆجیای باشتر و خێراتر...
* دانانی ئۆفیسێک بۆ رێکخراوی کوردیپێدیا لە باشووری کوردستان.
* دامەزراندنی چەند کارمەندی تایبەت بەخۆیەوە، تا بەردەوام ناوەڕۆکی کوردیپێدیا باشتر بکرێت.
|📕 پەڕتووکخانەگەورەترین و پۆلێنکراوترین پەڕتووکخانەی دیجیتاڵی کوردی! - (10,958) پەڕتووک||
✌️ شاپوور فەیروزی
خەڵکی : کامیاران
له دایکبووی : کرماشان 1943
کاتی شەهیدبوون : 1992-05-31
شوێنی شەهیدبوون : قسڵان. باشووری کوردستان
شوێنی گڵکۆ : رانیە
چۆنیەتیی شەهیدبوون : تیرۆر
پلەی تەشکیلاتی : ئەندامی کۆمیتەی ناوەندی[1]
👫 فرانسیس یوسف شابوو
پەڕڵەمانتاری مەسیحی خولی یەکەمی پەڕڵەمانی کوردستان لەساڵی 1993 کوژرا و تائێستاش تیرۆرکەرانی نادیارن.
👫 عەزیز محەمەد
سکرتێری حیزبی شیوعی ئێڕاقی و وەرگری خەڵاتی لینین.
لە 31-03-1924 لە گوندی (بێرکۆت)ی نزیک شاری هەولێر لە دایک بووە، باوکی کوردێکی هەژاری جوتیاری گوندی (بێرکۆت) بووە، دایکی کچە مەلا بووە و لە ناوچەکانی وان و باش قەلاوە هاتۆتە هەولێر، دایکی خەڵکی باکووری کوردستان بووە.
عەزیز محەمەد لە تەمەنێکی زۆر بچووکدا لەگەڵ دایکیدا دێنە شاری هەولێر و باوکی و دایکی بۆ هەتاهەتایە بەجێیدەهێڵن. لە مزگەوتی (ابوبکر) فێری قورئان خوێندن دەبێت و لە پیرزین و شاوەیس و بەحرکە دەرسی فەقێی دەخوێنێت، بەڵام دواتر واز لە خوێند
👫 حسێن میسری
ساڵی 1957 لە گەڕەکی شوان لە شاری کەرکوک لەدایکبووە.
لەبەر باری سیاسی و ئابوری خێزانەکەیان نەیتوانیوە بخوێنێت، بۆیە خۆی فێری نووسین و خوێندنەوە کردووه و لە ماوەیەکی زۆر کەمدا بووەتە خوێنەرێکی زۆر باشی دەقە شانۆییە عەرەبی و بیانییەکان، زمانی عەرەبی، تورکی، هیندی بەباشی زانیوە.
ساڵی 1977 کە بۆ خوێندنی کۆرسی شانۆیی دەچێتە میسرو لە گەڕانەوەی نازناوی میسری وەردەگرێت.
ساڵی 1973 بۆ یەکەمجار لە شاری موسڵ لە شانۆیی (من الزی قتل الوحش) وەکو ئەکتەر بەشداری کردووە، لە نووسینی عەلی سالم و عەدنان جویدجاتی
📊 بابەت 373,917 | وێنە 58,929 | پەڕتووک PDF 10,958 | فایلی پەیوەندیدار 42,239 | 📼 ڤیدیۆ 167 | 🗄 سەرچاوەکان 14,541 |
📊 کارگەکانی کوردستان روو لە بەغدا دەکەن | 🏷️ پۆل: ئامار و راپرسی | زمانی بابەت: 🏳️ کوردیی ناوەڕاست | 👁️‍🗨️
✍️
کارگەکانی کوردستان روو لە بەغدا دەکەن
📊 ئامار و راپرسی


بۆ رزگاربوون لەو باج و رەسمە گومرگیانەی حکومەتی عێراق لێیان وەردەگرێ‌ لە بەرامبەر هەناردەکردنی کاڵاکانیان بۆ شارەکانی باشوور، ژمارەیەک کارگەی چالاک مۆڵەتەکانیان لە کوردستان هەڵدەوەشێننەوە و روو لە بەغدا دەکەن.
بەپێی ئاماری بەڕێوەبەرایەتی گشتی پلان و بەدواداچوون لە وەزارەتی پیشەسازی و بازرگانی، نزیکەی 3899 کارگەی بچووک، مامناوەند و گەورە لە هەرێمی کوردستان هەن. ئەم کارگانە پێش قەیرانی دارایی و شەڕی داعشداعش زۆربەیان لەکاردابوون، بەڵام بەهۆی گرفتی هەناردەکردنی بەرهەم بۆ شارەکانی عێراق و ساغنەبوونەوەی لە کوردستان، تا کۆتایی 2015 زۆربەیان داخران. ئێستا نزیکەی 45%ی کارگەکان لەکاردان، بۆ ساغکردنەوەی 70%ی بەرهەمەکانیان پشت بەشارەکانی عێراق دەبەستن، بەڵام حکومەتی عێراق بە بیانووی ئەوەی ئەو کارگانە لە عێراق تۆمار نەکراون، وەکو بەرهەمی بیانی مامەڵە لەگەڵ بەرهەمەکانیان دەکات و گومرگیان لێوەردەگرێ‌. بۆ نەهێشتنی ئەو بیانووە بەشێک لە کارگە چالاکەکان مۆڵەتی کارگەکانیان لە هەرێمی کوردستان هەڵوەشاندووەتەوە و لە بەغدا مۆڵەتیان وەرگرتووە.
ئەندازیار مستەفا زوبێر، بەڕێوەبەری هونەری و سەرپەرشتیاری کارگەکان لە بەڕێوەبەرایەتی گشتی گەشەپێدانی پیشەسازی لە وەزارەتی بازرگانیوەزارەتی بازرگانی و پیشەسازی دەڵێت: بیانووی حکومەتی عێراق بۆ دانانی گومرگ لەسەر هەناردەی بەرهەمی کارگەکانی هەرێمی کوردستان بۆ شارەکانی عێراق ئەوەیە کە ئێمە بۆ مۆڵەتدان و دامەزراندنی کارگە کار بەیاسایەک دەکەین کە لە عێراق هەڵوەشاوەتەوە، بۆیە بازگەکان بەرهەمی کارگەکانی هەرێمی کوردستان، ئەوانەی لەعێراق تۆمار نەکراون وەک بەرهەمێکی بیانی سەیر دەکەن و گومرگیان دەکەن.
مستەفا زوبێر ئاشکرای کرد کە بۆ رزگاربوون لەو گومرگەی لە بازگەکانی عێراق لەبەرامبەر هەناردەی بەرهەمەکانیان بۆ شارەکانی عێراق لێیان وەردەگیرێت، نزیکەی 100 کارگەی چالاک لە هەرێمی کوردستان مۆڵەتی کارگەکانیان هەڵوەشاندووەتەوە و لە بەغدا تۆماریان کردووە.
وەزارەتی پیشەسازی و بارزگانیی هەرێمی کوردستان، بۆ مۆڵەتدان و دامەزراندنی کارگە کار بە یاسای ژمارە 25ی ساڵی 1991 ی گەشەپێدانی پیشەسازی بۆ کەرتی تایبەت و تێکەڵاو دەکات، ئەم یاسایەش لە عێراق هەڵوەشاوەتەوە، ئێستا وەزارەتی پیشەسازیی عێراق کار بە یاسای ژمارە 20ی ساڵی 1998ی گەشەپێدانی پیشەسازی بۆ هەردوو کەرتی تایبەت و تێکەڵ دەکات، بەڵام بەنیازە ئەم یاسایەش هەموار بکاتەوە.
مستەفا زوبێر دەڵێت: بۆ نەهێشتنی بیانووی عێراق و لابردنی گومرگ لەسەر بەرهەمی کارگەکانی هەرێمی کوردستان، لە تشرینی دووەمی ساڵی رابردوو نووسراومان ئاراستەی ئەنجوومەنی وەزیران کردووە بۆ گۆڕینی یاساکە، ئەوانیش لە مانگی نیسانی ئەمساڵ داواکەیان پەسەند کرد، نووسراویان بۆ ئەنجوومەنی وەزیرانی عێراق کردووە، ئەوانیش نووسراویان بۆ وەزارەتی پشەسازیی عێراق کردووە، بەڵام تائێستا وەڵامی کۆتاییمان پێنەگەیشتووە.
گوتیشی: یاساکەی عێراق پێشکەوتووترە و ماددەکانی زیاتر لە بەرژەوەندی خاوەن کار و کارگەکانە.
زۆرترین ئەو کاڵایانەی لە کارگەکانی کوردستانەوە هەناردەی شارەکانی عێراق دەکرێن، بریتین لە پاککەرەوە، کەرەستەی بیناسازی، پلاستیک، لەگەڵ چەندین بەرهەمی جۆراوجۆری دیکە، هەروەها خۆراک.
مستەفا زوبێر دەڵێت: ئێمە دڵگرانین بەهەڵوەشاندنەوە و گواستنەوەی مۆڵەتی ئەو کارگە چالاکانە، بەڵام لەبەر ئەوەی نزیکەی 70%ی فرۆشی بەرهەمی ئەو کارگانە لە شارەکانی عێراقە و لە بازگەکان گومرگی زۆریان لێوەردەگیرێت، بۆ بەرژەوەندی گشتی رێگریمان نەکردووە.
زوبێر رەتیکردەوە گواستنەوەی مۆڵەتی ئەو کارگانە زیانی ئابووری بۆ هەرێمی کوردستان هەبێ‌ چونکە چالاکیی کارگەکان هەر لە هەرێمی کوردستان دەمێننەوە، تەنیا ئەو باج و رسوماتەی لە نوێکردنەوەی مۆڵەت وەردەگیرا بۆ بەغدا دەچێت، بەڵام زیان بەخاوەن کارگەکان دەگات چونکە هەندێ باج هەیە دەبێ بە بەغدا و هەولێرهەولێریشی بدەن.
شێرکۆ شێخ محەممەد، بەڕێوەبەری گشتیی کۆمپانیا و کارگەی جەوهەر تاج بۆ بەرهەمهێنانی کلینێکس، خەریکی مامەڵەی هەڵوەشاندنەوەی مۆڵەتی کارگەکەی بوو لە هەرێمی کوردستان بۆ ئەوەی لە بەغدا تۆماری بکات. ئەو بە (رووداو)ی گوت: نزیکەی 90%ی بەرهەمی کارگەکەمان بۆ شارەکانی عێراق هەناردە دەکەین، لە بازگەکانی عێراقیش بۆ هەر ترێلەیەک 2.500 دۆلارمان لێوەردەگرن، ئەو گومرگەش کاریگەری زۆری لەسەر کەمبوونەوەی داهاتی کارگەکەمان هەبووە، بۆیە ناچار بووین مۆڵەتی کارگەکەمان لە هەرێمی کوردستان هەڵبوەشێنینەوە و لە بەغدا تۆماری بکەین.
کارگەکەی شێرکۆ، بەر لە وەرگرتنی گومرگ لە بازگەی سەفرە رۆژانە بەدوو شەفت کاری دەکرد. بەگوێرەی خواستی بازاڕ 25 تاوەکو 32 تۆن بەرهەمی هەبوو، بەڵام ئێستا 8 کاژێر کار دەکات و 12 تاوەکو 16 تۆن بەرهەمی هەیە، رۆژانەش یەک ترێلە بەرهەم هەناردەی شارەکانی عێراق دەکات.
شێرکۆ شێخ محەممەد دەڵێت: ئێمە باجی رێکنەکەوتنی وەزارەتی پیشەسازیی عێراق و هەرێمی کوردستان دەدەین، چونکە ئەگەر ئەوان لەسەر یەکخستنی یاساکان رێکبکەون، بازگەکانی عێراق بیانوویان نامێنێ‌ بۆ وەرگرتنی گومرگ.
هەڵوەشانەوەی مۆڵەتی کارگە لە هەرێمی کوردستان و دەرهێنانی مۆڵەت لە عێراق جگە لە خەرجیی زۆر، بێ گرفت نییە، خاوەن کارگەکان دەڵێن بە هەڵوەشاندنەوەی مۆڵەتەکانیان لە کوردستان، دەترسن کێشەیان بۆ دروست ببێ‌.
کارگەی دایم پلاستیک لە هەولێر، وزەی مانگانەی 500 تۆن بەرهەمی وەکو کورسی و حاویە و تەپڵە و پلاستیکی دیکەیە کە 80%ی هەناردەی عێراق دەکات.
نەهرۆ عەبدولڕەحمان، خاوەنی کارگەی دایم پلاستیک، دەڵێت: بازگەکانی عێراق هەندێجار بەپێوەری تۆن و هەندێجاریش بەپێوەری دانە گومرگ وەردەگرن، بۆ تێپەڕبوونی هەر بارێک 1,400 تاوەکو 1.500 دۆلار گومرگ وەردەگرن، ئەو پارەیەش بەشێکی بۆ گیرفاتی لێپرسراوی بازگەکان دەچێت، چونکە لە مەنەفێستەکەی تەنیا 850 هەزار دینار دەنووسن.
نەهرۆ هێشتا مۆڵەتی کارگەکەی نەگواستووەتەوە سەر بەغدا و دەڵێت: دەرهێنانی مۆڵەتی کارگە لە بەغدا جگە لەوەی زیاتر لە 15 هەزار دۆلار خەرجی دەوێت، دەرهێنانیشی ئاسان نییە، پێویستی بە واسیتەی زۆر هەیە. بەو مەرجەش دەیدات کە مۆڵەتەکەی ئێرە هەڵبوەشێنینەوە. ئێمەش زەویمان لە شارەوانی وەرگرتووە، دەترسین ئەگەر مۆڵەتەکەی ئێرەمان هەڵوەشاندەوە، شارەوانیش داوای زەوییەکەی بکاتەوە.
لەکۆی ئەو 2,377 کارگەیەی لە سنووری پارێزگای هەولێرن، 2.254 کارگەیان مۆڵەتیان لە بەڕێوەبەرایەتی گەشەپێدانی پیشەسازیی هەولێر وەرگرتووە، ئێستا 43%یان کار دەکەن. لە سنووری پارێزگای هەولێر 25 کارگە مۆڵەتەکەیان گواستووەتەوە بۆ بەغدا.
ئەندازیار تەیب کەژۆ عەلی، بەڕێوەبەری گەشەپێدانی پیشەسازیی هەولێر، دەڵێت :ئێمە گواستنەوەی مۆڵەت بۆ بەغدا بە چارەسەر نازانین، چونکە کارگەکان ناچاردەبن هەندێ زەریبە و رسومات لێرە و لەوێ‌ بدەن، بۆیە بەباشی دەزانین لە ئاستی باڵای حکومی چارەسەرێک بۆ ئەو گرفتە بدۆزنەوە، بۆ ئەمە مەبەستە هەندێ هەنگاو نراوە، بەڵام پێویستی بەکاری زیادترە.[1]
08-11-201808-11-2018
🗄 سەرچاوەکان
[1] 📡 ماڵپەڕ | 🏳️ کوردیی ناوەڕاست | ماڵپەری رووداو - 08-11-2018

⁉️ تایبەتمەندییەکانی بابەت - Meta-data
🏳️ زمانی بابەت: 🏳️ کوردیی ناوەڕاست
📅 رۆژی دەرچوون: 08-11-2018
📈 جۆری ئامار و راپرسی: 💰 ئابووری و نەوت
📈 جۆری ئامار و راپرسی: ⚠️ قەیران
🗺 وڵات - هەرێم: ⬇️ باشووری کوردستان
🗺 وڵات - هەرێم: 🇮🇶 ئێڕاق

⁉️ تایبەتمەندییە تەکنیکییەکان
✨ کوالیتیی بابەت: 93% ✔️
93%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
93%
✔️
ئەم بابەتە لەلایەن: (هاوڕێ باخەوان)ەوە لە: Nov 8 2018 1:45PM تۆمارکراوە
👌 ئەم بابەتە لەلایەن: (زریان سەرچناری)ەوە لە: Nov 8 2018 9:52PM پێداچوونەوەی بۆکراوە و ئازادکراوە
✍️ ئەم بابەتە بۆ دواجار لەلایەن: (زریان سەرچناری)ەوە لە: Nov 8 2018 9:52PM باشترکراوە
☁️ ناونیشانی بابەت
🔗
🔗
👁 ئەم بابەتە 503 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
کارگەکانی کوردستان روو لە بەغدا دەکەن
📊 ئامار و راپرسی

📚 فایلی پەیوەندیدار: 0
🖇 بابەتە پەیوەستکراوەکان: 1
📅 رێکەوت و رووداو (کڕۆنۆلۆژیا)
1.👁️08-11-2018
📂[ زۆرتر...]

Kurdipedia.org (2008 - 2020) version: 12.05
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,437 چرکە!
☎ +9647701579153 +9647503268282
| ☎ +31654710293 +31619975574