$باکووری کوردستان$
- شەوی ڕابردوو، کاروانێکی سەربازیی سوپای تورکیا کە لە ژمارەیەک تۆپهاوێژ پێکهاتوون، لە شاری هاتای-ی تورکیاوە بەرەوە شاری دیلۆک لە باکووری کوردستان بەڕێکەوت.[1]
- تەڤگەری گەنجانی شۆڕشگێر- دەگەهە، لە چوارچێوەی هەنگاوی سەر‌هەڵدە بۆ کۆتایی هێنان بە گۆشەگیرییەکانی سەر #عەبدوڵڵا ئۆجەلان# ڕێبەریی #پەکەکە#، لە کوردستان و شارەکانی تورکیا چالاکییان ئەنجامدا، لە ئەنجامدا نۆ ئۆتۆمبێل و پارکینگێکی شوێنی چاککردنەوەی ئۆتۆمبێل سووتێندران.[3]
$رۆژهەڵاتی کوردستان$
- دوو هاووڵاتیی کورد، بە ناوەکانی شێرزاد و سیامەند شەهسەوار، خەڵکی دزەی مەرگەوەڕ لە گومرۆکی حاجی عومەران دەسبەسەر کران و بۆ ئیدارەی ئیتلاعاتی #ورمێ# ڕاگوێزران. هێزە ئیتلاعاتییەکان ئەو دوو هاووڵاتییە کوردەیان بە تۆمەتی هەواداری و هاوکاریی لەگەڵ یەکێک لە حیزبه کوردییەکانی ئۆپۆزسیۆنی حکوومەتی ئێران دەسبەسەر کردووە.[2]
- ڕیپۆرتێرانی بێسنوور، دەرکردنی حوکمی زیندان و لێدانی قامچی بۆ سەلاحەدین ڕەنجبەر، بەرپرسی کاناڵی تێلێگرامیی هەواڵدەریی ئورمیه دەنگ و محەممەدحوسێن سەوداگەر، بەرپرسی کاناڵی سۆزباز نیووزیان مەحکووم کرد.[2]
- لاوێکی تەمەن 34 ساڵ، لە ناوچەی دەشتی عەباس، لە گوندی ئیستقلال، سەر بە شاری دێهلۆران، بە هۆی مینێکی بەجێماوی سەردەمی شەڕی 8 ساڵەی ئێران و عێراق بە توندی بریندار بوو.[2]
$باشووری کوردستان$
- ژمارەیەکی زۆر لەخاوەن بەنزیخانە ئەهلیەکان کە ژمارەیان زیاتر لە سەد بەنزینخانەیە لەبەردەم بینای پارێزگای #کەرکووک# گردبونەوەیەکی ناڕەزایەتیان ڕێکخست و داوایانکرد بڕیاری ڕوخاندنی بەنزینخانەکانیان ڕابگیرێت.[4]