راگەیاندراوێک لە ئەنجومەنی ئاسایشی هەرێمی کوردستانەوە
لەچوارچێوەی هەڵمەتەکانی جێبەجێکردنی یاسا، بۆ بەرەنگاربوونەوەی گەندەڵی و نەهێشتنی دەستێوەردان لە موڵکی گشتی. بەپێی بڕیاری دادوەر، لە ئۆپەراسیۆنێکی دەزگا ئەمنییەکان و بەڕێوەبەرایەتی ئاسایشی گشتی، گروپێکی دزین و بە قاچاخبردنی نەوت دەستگیرکرا، کە پێکهاتووه لە چوار هاوڵاتی و دوو کارمەندی ئاسایش.
دەستگیرکراوان بە پێی ڕێوشوێنە یاساییەکان مامەڵەیان لەگەڵدا دەکرێت و دوای تەواو بوونی لێکۆڵینەوەکانیش، لەلایەن دادگاوە دۆسیەکانیان یەکلا دەکرێتەوە.
ئێمه لە ئەنجومەنی ئاسایشی هەرێمی کوردستان، هەموو لایەک دڵنیا دەکەینەوه، لە پێناو سەروەری یاسا، ئەرک و شەونخونی دەزگاکانمان بەردەوام دەبێت و ڕێگە نادەین دەستدرێژی بکرێتە سەر موڵک و ماڵی گشتی و هاوڵاتیان، هەر کەس و لایەنێکیش یاساشکێنی بکات، ڕووبەرووی دادگا دەکرێتەوە و سزای یاسایی خۆی وەردەگرێت.
پێویسته دەزگا ئەمنییەکان لە پارێزگا و ناوچە جیاجیاکانی دیکەی هەرێمی کوردستان، جێبەجێکاری یاسابن و بەهەمانشێوە مامەڵە لەگەڵ ڕێگر و یاساشکێنەکان بکەن و داڵدەی قاچاخچی و گەندەڵکاران نەدرێت.
ئەنجومەنی ئاسایشی هەرێمی کوردستان
#18-10-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,996 times
Write your comment about this item!