ئاسن داک وبابی ناپرسێ
لە کوردەواريدا بە مەکينە و تراکتۆر و ئۆتۆمبيل بەتێکڕا دەوترێت(ئاسن)، هەموو ئەمانە پێويستی بە ڕوون گۆڕين و سوتەمەنی و گريس و حەقدەستی فيتەر و تايە و پەنجەرچی و تاد دەبێت، هەڵبەت هەموو ئەمانەش بە پارە دەکڕێ-ن، ئينجا کاتێک کارێکت بۆ هەر کەسێک کرد ئه و کەسە ئەگەر دايک وباوک بێت يان قەوم و خوێش ئەوا دەبێت حەقدەستی مەکينەکە يان تراکتۆرەکە يان ئۆتۆمبيلەکە وەربگريت، ئەگەرنا زۆر زوو ئامێرە ئاسنەکەت قەرزارت دەکاتەوە بەهۆی هەميشە خەرجيەوە بۆ ئامێرەکە لە ڕوون و گريس و تايە گۆڕين و بەنزينخانە وتاد، ئينجا هەرکەسێک ئامێرەکە و کاسبيەکەی خۆی زۆر خۆشبوێت، بە هيچ شێوەيەک کەس نابوێرێت لە حەق و کرێی ئامێرەکەی ئەگەر دايک و باوکيشی بێت، ئەو دەڵێت(ئاسن داک وبابی ناپرسێ).