سەرەڕای هەموو خوێندنەوە جیاوازەکان و تەخوینکردنی بژاردەی بایکۆت لەلایەن دەسەڵاتەوە... خەڵک ئەمڕۆ (بە ڕوانین لە ڕێژەی بەشداریی) بایکۆتی شیاوتر و دروستتر بینی وەک لە بەشداریی (گەمەی هەڵبژاردن)ێک کە 27 ساڵە کۆمەڵگای پێ فریو دەدرێت. ئەمڕۆ خەڵک لە ڕێگەی نەچوون بۆ دەنگدان ئەم پەیامانەی بە بەشدارانی هەڵبژاردن دا:
1- ڕەوایی کۆی سیستەمەکە پووچەڵە و ئەم دەسەڵاتە کە بە هەڵبژاردن نەهاتووە و بە هەڵبژاردنیش ناڕوا، بۆیە بە بایکۆت دەرفەتی بانگەشەی ڕەواییبوونی ڕەتکرایەوە! ئێمە وەک بەرەی بایکۆت سوپاسی بەدەنگەوەهاتنی خەڵک بۆ ئەم بانگەوازە (لە هەقیقەتی هەڵبژاردن) لە هەرێم و عێراقیش دەکەین.
2- ساختەکاریی و یەکتر تۆمەتبارکردن لەلایەن حزبەکانەوە سیمای ئەم پڕۆسەیە بووە بە درێژایی 27 ساڵ، کەچی هەر دوای هەڵبژاردن پێکەوە مامەڵە و دانوستان و دابەشکاریی دەسەڵاتیان کردووە، لەمەوە هیچ بەهایەک بۆ ئیرادەی خەڵک دانەنراوە و ئەم بایکۆتە ئەم گاڵتەجاڕیی و بێڕێزیکردنەی بە خەڵک لەلایەن خەڵکەوە کۆتایی پێهێنا!
3- تەخوینکردنی کەس و گروپەکان کە بژاردەی بایکۆتیان بەدروست زانی و (حزبەکان بە دروستکراوی دەسەڵات)یان لە قەڵەم دەدان، کۆمەڵگا وەڵامی خۆی دانەوە و بۆیانی سەلماند، کە کۆمەڵگا نمایندەکردنی ناداتەوە دەست هیچ حزبێ و دەرکەوت بانگەشەی بایکۆت... لە ناخ و دەروونی مرۆڤی ئەم کۆمەڵگایەوە هەڵجێنراوە نەک بە دەستکرد و هاندانی کەس و گروپەکان.
پەیامی (بەرەی بایکۆتی هەڵبژاردن)
#30-09-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,961 times
Write your comment about this item!