کاتژمێر 8ی سەرلە بەیانی ئەمڕۆ یەکشەممە 30ی ئەیلولی 2019 / 8ی ڕەزبەر، دەنگدان لە 2 هەزار و 175 بنکەی دەنگدان لە هەرێمی باشووری کوردستان، بۆ هەڵبژاردنی پێنجەمین خولی پەرلەمان دەستیپێکرد و بڕیارە پرۆسەی دەنگدانەکە تاکو کاتژمێر6-ی ئێوارە بەردەوام بێت.
کۆمسیۆنی سەربەخۆی هەڵبژاردن و ڕاپرسیی هەرێمی باشووری کوردستان ڕایگەیاندووە، 2 ملیۆن و 914 و هەزار 992 کەس مافی بەشداریکردنیان لە دەنگدانی گشتیی پەرلەمانی هەرێمی باشووری کوردستاندا هەیە.
بەپێی ئەو ئامارەی، کە کۆمسیۆنی هەڵبژاردنەکانی هەرێمی باشووری کوردستان بڵاویکردووەتەوە، لە شاری #هەولێر# 1 ملێۆن و 36 هەزار و 419 دەنگدانیان هەیە. بۆ دەنگدانی ئەو دەنگدەرانە 499 بنکەی دەنگدان و 2 هەزار و 142 وێستگەی دەنگدان تەرخانکراوە.
هەروەها لە پارێزگای #سلێمانی# 1 ملیۆن و 134 هەزار و 760 کەس مافی دەنگدانیان هەیە و بۆ ئەو مەبەستەش کۆمسیۆن 476 بنکە و 2 هەزار و 306 وێستگەی دەنگدانی بۆ دەنگدەران ئامادە کردووە.
لە پارێزگای #دهۆک#یش 257 بنکەی دەنگدان و هەزار و 361 وێستگەی دەنگدان، بە ڕووی 677 هەزار و 797 دەنگدەردا کراوەتەوە.
لە پارێزگای #هەڵەبجە#ش 66 هەزار و 16 دەنگدەر مافی دەنگدانیان هەیە. بۆ دەنگدەرانی پارێزگای هەڵەبجە 28ی بنەکەی هەڵبژاردن و 132 وێستگەی دەنگدان ئامادە کراوە.
ئەو دەنگدانە بۆ هەڵبژاردنی پێنجەمین خولی پەرلەمانی هەرێمی باشووری کوردستان ئەنجام دەدرێت. لەم هەڵبژاردنەدا 38 لیست و لایەن و هاوپەیمانی و قەوارە بەشدارن. 773 کەس، کە 532 کەسیان پیاو و 241 کەسی تریشیان ژنن خۆیان بۆ ئەم خولەی پەرلەمانی باشووری کوردستان پاڵاوتوە.
هەروەها لەم هەڵبژاردنەدا 18 لایەن و لیست و قەوارەی پێکهاتەکانی هەرێم (تورکمان، مەسیحی و ئەرمەنی) بە 65 کاندیدەوە کێبڕکێ لەسەر بەدەستهێنانی کورسیی پێکهاتەکان دەکەن.
پەرلەمانی هەرێمی باشووری کوردستان لە 111 کورسی پێکدێت و لەو ژمارەیە 11 کورسییان بۆ پێکهاتەکانی تورکمان (5 کورسی)، مەسیحی (5 کورسی) و ئەرمەنیی (یەک کورسی) دانیشتووی هەرێمی باشووری کوردستان تەرخانکراوە.[1]
#30-09-2018#