گەریلاکانی یەژاستار و #هەپەگە# لە وان و شرناخ لەدژی هێزەکانی سوپای تورک چالاکییان ئەنجامدا، ئەنجامی ئەو چالاکییانە کوژراو وبرینداری سوپای تورکی لێکەوتەوە.
ئەمڕۆ ناوەندی ڕاگەیاندنی هێزەکانی پاراستنی گەل لەبارەی چالاکیی گەریلاکان لە شرناخ و وان ڕاگەیەندراوێکی بڵاوکردەوە و ئەنجامەکانی خستەڕوو.
لە ڕاگەیەندراوەکەدا هاتووە: دوێنێ کاتژمێر 03:10 خولەکی پاشنیوەڕۆ لە چالدێرانی وان، لەدژی سوپای تورک بە قەناس چالاکییەک ئەنجامدرا، لەو چالاکییەدا سەربازێکی سوپای تورک کوژرا و سەربازێکی دیکەش برینداربوو.
هەپەگە هەروەها ڕایگەیاندووە: ئەمڕۆ کاتژمێر 07:10 خولەکی سەرلەبەیانی لە سلۆپیی سەربە شرناخ چالاکییەکی دیکە ئەنجامدرا، لەو چالاکییەدا هێڵی کارەبا بەتەواوی تێکشکێندرا.
لە بەردەوامیدا هەپەگە ڕایگەیاندووە: 25ی ئەیلول لە #شەمزینان#ی سەربە جولەمێرگ ئۆپەراسیۆنێک لەلایەن سوپای تورکەوە دەستیپێکرد، ئەو ئۆپەراسیۆنە دوێنێ بەبێ هیچ ئەنجامێک کۆتایی پێهات.
لەکۆتاییشدا هەپەگە ڕایگەیاندووە: دوێنێ فڕۆکە جەنگییەکانی سوپای تورک هەرێمەکانی پاراستنی مەدیایان بۆردوومان کرد، لە ئەنجامی ئەو بۆردوومانانەدا هیچ زیانێک بەر گەریلاکانمان نەکەوت، بەڵام ئاگر لە زەوی و زار و باخەکانی هاوڵاتیانی گوندەکاندا کەوتەوە و زیانیان بەرکەوت.[1]
#27-09-2018#