گەریلاکانی #هەپەگە# و یەژاستار لە گەڤەر و تەندورەکی باکوری کوردستان لەدژی سوپای تورک چالاکییان ئەنجامدا، لەو چالاکییانەدا شەش سەربازی تورک کوژران.
ئەمڕۆ ناوەندی ڕاگەیاندنی هزەکانی پاراستنی گەل- هەپەگە، لەبارەی چەند چالاکییەکی گەریلاکانەوە ڕاگەیەندراوی بڵاوکردەوە، هەپەگە هەروەها شەهیدبوونی چوار گەریلای لە چەولیک ڕاگەیاند.
لە ڕاگەیەندراوی هەپەگە دا هاتووە: دوێنێ کاتژمێر 10:20 خولەکی بەیانی گەریلاکانی یەژاستار لەسەر گردی عەلیشێری سەربە گەڤەری جولەمێرگ چالاکییەکیان ئەنجامدا، لەو چالاکییەدا دوو پێگەی سوپای تورک تێکشکێندران و ئەوەندەی بۆمان ئاشکرا کراوە چوار سەربازی سوپای تورک کوژراون.
لە بەردەوامیشدا هەپەگە ڕایگەیاندووە: دوێنێ گەریلاکانمان لە تەندورەکی سەربە ئاگری چالاکییەکی دیکەیان ئەنجامدا، لەو چالاکییەدا دوو سەربازی دوژمن کوژران.
لەکۆتاییشدا هەپەگە ڕایگەیاندووە، کە سوپای تورک ڕۆژی 13ی ئەیلول گوندی ئاشاگی سەربە چەولیکیان بۆردوومان کرد، لە ئەنجامی ئەو چالاکییەدا چوار گەریلا شەهیدبوون.[1]
#25-09-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,806 times
Write your comment about this item!