دەستەی ئاماری تورکیا ئاماری مانگی ئابی لەبارەی فرۆشتنی خانووبەرە بڵاوکردەوە و بەگوێرەی داتاکان لە سەرتاسەری تورکیا لە مانگی ئابی ئەمساڵدا 105 هەزار و 154 خانوو فرۆشراوە و ئەم ڕێژەیە بەبەراورد بە مانگی پێشتر 15.1% و بە بەراورد بە مانگی ئابی ساڵی پار 12.5% کەمیکردووە.
لە فرۆشتنی خانووبەرە ئیستەنبووڵ بە فرۆشتنی 15 هەزار و 262 خانوو کە دەکاتە 14.5% بە پلەی یەکەم دێت، ئەنقەرە بە فرۆشتنی نۆ هەزار و 291 خانوو کە دەکاتە 8.8% پلەی دووەم و ئیزمیریش بە فرۆشتنی پێنج هەزار و 64 خانوو کە دەکاتە 4.8% بە پلەی سێیەم دێت.
ئەو پارێزگایەش کە کەمترین خانووی تێدا فرۆشراوە پارێزگای جۆلەمێرگە لە باکووری کوردستان کە تەنیا 14 خانووی تێدا فرۆشراوە و هەر لە باکووری کوردستان لە پارێزگای ئەردەخان 23 خانوو فرۆشراوە و لە شاری بایبورتی تورکیاش 59 خانوو فرۆشراوە.
لە مانگی ئابدا بە بەراورد هەمان ماوە لە ساڵی پار فرۆشتنی خانوو بە کەسانی بیانی بە ڕێژەی 129.6% زیادیکردووە و لەو مانگەدا 3 هەزار و 866 خانوو بە کەسانی بیانی فرۆشراوە.
ئیستەنبوڵ بە فرۆشتنی هەزار و 141 خانوو بەپەلەی یەکەم و ئەنتاڵیا بە فرۆشتنی 675 خانوو بە پلەی دووەم و بورسا بە فرۆشتنی 307 خانوو بە پلەی سێیەم و ئەنقەرە بە فرۆشتنی 305 خانوو بە پلەی چوارەم دێت.
لە مانگی ئابدا هاووڵاتیانی عێراقی 944 خانوویان لە تورکیا کڕیوە. لە هەمان مانگدا 394 هاووڵاتی ئێرانی و 275 هاووڵاتی سعوودی، 271 هاووڵاتی کوێتی، 192 هاووڵاتی ڕووسی لە تورکیا خانوویان کڕیوە.[1]
#19-09-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,935 times
Write your comment about this item!