‎ئەمڕۆ بارەگاکانی هەردوو حیزبی دیموکراتی ئێران (حدکا) و حیزبی دیموکراتی کوردستان (حدک) لە #کۆیە# لەلایەن هێزەکانی کۆماری ئیسلامیی ئێرانەوە بۆمباران کران. لە ئەنجامی ئەو بۆردومانەدا چەندین قوربانی لێکەوتەوە.
‎ئەم ڕووداوە لەکاتێکدایە کە ناوچە سنورییەکانی هەرێم چەند ڕۆژێکە لەلایەن ئێران و تورکیاوە بۆردمان دەکرێن.
‎وێرای نیگەرانی لە بۆردومانکردنی کۆیەو ناوچە سنورییەکان، جەخت دەکەینەوە کە ناکرێ خاکی هەرێم ببێتە سەرچاوەی هەڕەشە بۆ ئەمنیەتی دراوسێکان. ئێمە هه موو جۆرە توندو تیژی و شەڕێک محکوم دەکەین و خوازیاری ئەوەین ڕەوشی هەرێمی کوردستان توشی ئاڵۆزی نەکرێت و ناوچەکانی هەرێم نەکرێتە شوێنی ململانێ و یەکلاکردنەوەی گرفتە دەرەکییەکان، بۆیە داوا لە هەموو لایەک دەکەین ئارامی ناوچەکە بپارێزن و هیچ بەهانەیەک نەهێڵنەوە بۆ دروستکردنی بارگرژی و دەستتێوەردان.
‎هەروەها داوا لە لایەنە پەیوەندیدارەکان و حکومەتی هەرێم دەکەین پەلەبکەن لەوەی بەدەم گرفتەکەوە بچن و ڕێگری بکەن لە دووبارەبونەوەی ڕووداوی لەو چەشنە.
‎سەرەخۆشی لەکەسوکاری قوربانیەکان دەکەین و هیوادارین بریندارەکان خوا زوو شفیان بۆبنێرێت.
‎ووتەبیژی هاوپەیمانی دیموکراسی و دادپەروەری
#08-09-2018#